Հայաստանի համայնքների միջև առկա զգալի տարբերություններ նանհրաժեշտ են դարձնում ՀԶՔԾ-ի մեթոդաբանակա նառանձնահատկությունների սահմանումը տարբեր համայնքների համար: Այդ նպատակով անհրաժեշտ է առանձնացնել որոշակի չափանիշներ, որոնք պետք է հաշվի առնվեն ՀԶՔԾ-երը մշակելիս: Որպես այդպիսի չափանիշներ դիտարկվում են հետևյալները`

• համայնքի ֆինանսական կարողությունը.
• համայնքի բնակչության թվաքանակը.
• համայնքի կազմում ընդգրկված բնակավայրերի թիվը և առանձնահատկությունները.
• համայնքում առկա ենթակառույցները և մատուցվող ծառայությունները,
• համայնքում առկա վտանգները (ռիսկերը),
• այլ չափանիշներ՝ ըստ անհրաժեշտության և հայեցողության:

ՀԶՔԾ-ի մշակման առանձնահատկությունների սահմանման համար ընտրված վերոնշյալ չափանիշները հնարավորություն են տալիս առավել ճիշտ գնահատել համայնքների հնարավորությունները և ըստ այդմ կազմել իրատեսական ծրագրեր:

1. Աշխարհագրական դիրքը, պատմական համառոտ ակնարկ

2. Պատմական և մշակույթային արժեքներ

3. Ժողովրդագրություն և սոցիալական կազմ

4. Տեղական ինքնակառավարման մարմինները, նրանց գործունեության ուղղությունները

5. Գործող կազմակերպություններ

6. Առողջապահական հաստաություններ

7. Աշխատանք և սոցիալական ծառայություն

8. Քաղաքաշինություն

9. Ջրամատակարարում և ջրահեռացում

10. Էներգամատակարարում

11. Գազամատակարարում

12. Աղբահանություն, սանիտարական մաքրում

13. Համայնքի հողային ֆոնդ

14. Բնության և շրջակա բնական միջավայրի պահպանություն

15. Բնակտնտեսություն

16. Տրանսպորտ, ճանապարհային տնտեսություն

17.Հանգստի գոտիներ,զբոսայգիներ,խաղահրապարակներ

18. Աղետների ռիսկի կառավարում

19. Գյուղատնտեսություն

20. Գովազդ,առևտուր և սպասարկում

21.Կրթություն

22. Մշակույթ, ֆիզկուլտուրա և սպորտ

23. Համայնքի ռազմավարությունը, նպատակները

24. Համայնքում իրականացվող ծրագրեր

25. Համայնքի հնգամյա զարգացման ծրագրեր

26. Համայնքի ֆինանսական միջոցների վերլուծություն և կանխատեսում

27. Եզրափակում

Հավելվածներ

1. Համայնքի ղեկավարի և ավագանու որոշումներ

2. Համայնքի 2022-2027թթ. հնգամյա զարգացման ծրագրի  մշակման, քննարկման և հաստատման ժամանակացույց

3. Աղյուսակներ 

Սպիտակ համայնքը հանդիսանում է խոշորացված համայնք համաձայն «Հայաստանի Հանրապետության վարչատարածքային բաժանման մասին»,«Տեղական ինքնակառավարման մասին» ՀՀ օրենքների 2021 թվականի դեկտեմբերի 5-ին անցկացված ընտրությունների արդյունքները:

Սպիտակ համայնքի կազմում ընդգրկված բնակավայրերն են` Արևաշող, Արջհովիտ, Գեղասար, Գոգարան, Լեռնանցք, Լեռնավան, Լուսաղբյուր, Խնկոյան, Ծաղկաբեր, Կաթնաջուր, Հարթագյուղ, Մեծ Պարնի, Նոր Խաչակապ, Շենավան, Շիրակամուտ, Ջրաշեն, Սարալանջ, Սարահարթ, Սարամեջ, Քարաձոր: Համայնքի կենտրոն է հանդիսանում Սպիտակ քաղաքը: Սպիտակը գտնվում է Վանաձոր–Գյումրի և Վանաձոր–Երևան ավտոմոբիլային մայրուղիների խաչմերուկներում, Փամբակի հովտում, Փամբակ գետի և դրա վտակ Ջրաշենի ափերին, ծովի մակերևույթից 1550 մ բարձրության վրա: Հեռավորությունը մարզկենտրոնից 19 կմ է, իսկ մայրաքաղաքից 97 կմ: Համայնքի վարչական տարածքը 61531.36 հա է: Սպիտակի տարածքը լեռնային է, հյուսիսում ձգվում են Բազումի, իսկ հարավում Փամբակի լեռնաշղթաները: Ռելիեֆն ունի էրոզիոն-դենուդացիոն կառուցվածք: Տարածքի երկրաբանական կառուցվածքը բարդ է, ձևավորված է նստավածքային հրաբխածին, ներժայթքային ապարներից՝ կրաքարեր, տուֆածին ապարներ, բազալտ ու ավազաքարեր: Երկրաշարժաբանական առումով տարածքը համարվում է սեյսմիկ ակտիվ գոտի՝ աղետաբեր երկրաշաժի բարձր հավանականությամբ (9 և ավելի բալ) : Սպիտակի տարածքով անցնում է Թբիլիսի-Վանաձոր-Սպիտակ-Մասիս երկաթգիծը: Սպիտակ համայնքի տարածքը գտնվում է բարեխառն կլիմայական գոտում: Ձմեռը մեղմ է, ամառը՝ չափավոր տաք: Ամենացածր ամսեկան միջին ջերմաստիճանը հունվարին է՝ -30C, նվազագույնը՝ -35C, ամենատաք ամիսը հուլիսն է՝ +38C է, առավելագույնը +40C: Միջին հաշվով 0C-ից բարձր ջերմաստիճանով օրերի թիվը Սպիտակ քաղաքում կազմում է 270 օր: Տարեկան տեղումների միջին մակարդակը 500-550մմ է, գոլորշունակությունը՝ 900 մմ: Ձնածածկույթի միջին հաստությունը 18-20 սանտիմետր է, ձնածածկույթով օրերի թիվը՝ 75-80: Սպիտակի տարածքը եղել է հին բնակատեղի, որի պատմությունը սկսվում է դեռևս մ.թ.ա. IV-I հազարամյակներից: Սպիտակում, համանուն նախկին շրջանի Մեծ Պարնի, Ջրաշեն, Գոգարան, Արևաշող գյուղերում հայտնաբերված նեոլիթյան գործիքներն ու կենցաղային իրերը՝ քարե հատիչները, կացինները, դանակները, նետասլաքները, աղորիքները, արձանիկները և գտնված մյուս առարկաները վկայում են այդ ցեղերի հասարակական բարձր աստիճանը: Սպիտակում՝ Սարդարի կոնդ բլուրում հայտնաբերվել են բրոնզե դարաշրջանի (ք.ա. 3-2-րդ հազարամյակում) բնորոշ առարկաներ՝ պղնձե և բրոնզե նետասլաքներ, դաշույններ, սև փայլեցրած կավախեցե ամաններ և այլ առարկաներ: Տարածքի բնակիչների կյանքը վերընթաց զարգացում է ապրել նաև ք.ա. 1-ին հազարամյակում, երբ այդ տարածքը մտել է Ուրարտու պետության կազմի մեջ (ք.ա. 7-րդ դար): Երվանդունիների (ք.ա. 4-2-րդ դարեր) և Արտաշեսյանների (ք.ա. 2-1-ին դարեր) թագավորության ժամանակ նաև Սպիտակի այժմյան տարածքը եղել է Հայաստանի, ավելի ուշ՝ Մեծ Հայքի Գուգարք նահանգի Տաշիր գավառի կազմում: 9-րդ դարավերջին մտել է Բագրատունյաց թագավորության, 972-1118թթ.-ը՝ Կյուրիկյան թագավորության, իսկ 12-րդ դարավերջից՝ Սելջուկյան թուրքերից ազատագրված հայկական հողերի հետ՝ Զաքարյանների իշխանապետության մեջ: 14-18-րդ դարերում Արևելյան Հայաստանի հյուսիս-արևելյան մի քանի գավառակների հետ միացվել է Ռուսաստանին, տարածքը կոչվել է Համամլուի գավառակ և մտել նախ Լոռի-Փամբակի, ապա` Ալեքսանդրապոլի գավառի մեջ: Հայաստանի Հանրապետության Լոռու մարզի Սպիտակ քաղաքը մինչև 1949թ. կոչվել է «Համամլու» կամ «Համամլի», որը հավանաբար առաջացել է պարսկերեն «համամ» (բաղնիք) բառից: Համամլուի նոր անունը՝ Սպիտակ, կապված է քաղաքի շրջակայքում եղած կրաքարի հանքերի հետ: Համամլուի շրջանը, որպես վարչական միավոր ստեղծվել է 1937թ. դեկտեմբերի 31-ին: Սպիտակը 1960թ.-ին ստացել է քաղաքի, 1971թ.-ին՝ հանրապետության ենթակայության քաղաքի կարգավիճակ: Համամլիում դեռևս 19-րդ դարի կեսերից գործել են ծխական դպրոցներ: Նախասովետական Համամլուն, բացի մի քանի դարբնոցից, ջրաղացներից ու ձիթահանքից, արդյունաբերական ոչ մի ձեռնարկություն չուներ: Բնակիչները հիմնականում զբաղվում էին երկրագործությամբ ու անասնապահությամբ: Բնակավայրի արտադրական առաջին ձեռնարկությունը՝ պանրի գործարանը, կառուցվել է 1937թ.-ին: 1947թ. առաջին արտադրանքն է տվել շաքարի գործարանը, որն արտադրական յուրաքանչյուր սեզոնում վերամշակում էր 130 հազար տոննա շաքարի ճակնդեղ, արտադրում 14 հազար տոննա բարձրորակ շաքարավազ: Հետագայում կոմբինատի կարգավիճակ ստացած ձեռնարկության մեջ ներառված կիտրոնաթթվի արտադրամասի թանկարժեք արտադրանքն առաքվում էր ոչ միայն Խորհրդային Միության հանրապետություններ, այլև արտասահմանյան մի շարք երկրներ: Արտասահմանյան 21 երկիր (Ռումինիա, Իրաք, Վիետնամ, Մոնղոլիա, Թուրքիա, Կուբա, Մալի և այլն) և սովետմիության մի շարք խոշոր քաղաքներ էին արտահանվում «Հայվերելակմեքենա» միավորման մարդատար և բեռնատար վերելակներ: Այստեղ աշխատող բանվոր ծառայողների թիվը հասնում էր 700-ի: Գործում էր Հացամթերքի կոմբինատը, կարի արտադրական միավորումը, տրիկոտաժի, կոշիկի ֆաբրիկաները, ռետինատեխնիկական իրերի և հացի գործարաները: Մինչև 1988թ.-ի դեկտեմբերի 7-ի աղետալի երկրաշարժը Սպիտակը արդյունաբերական և գյուղատնտեսական զարգացած քաղաքներից էր, որտեղ գործում էր 14 արդյունաբերական ձեռնարկություն: Ուներ 7 հանրակրթական, գեղարվեստի, երաժշտական, մարզական դպրոցներ, տեխնիկում, պրոֆտեխուսումնարան, 10 մսուր-մանկապարտեզ, հիվանդանոց, զբոսայգի, մշակույթի տուն, գրադարան, կինոթատրոն, թանգարան, մարզադաշտ, կապի հանգույց, տպարան: Սպիտակցին երախտագիտությամբ է հիշում բարի կամք դրսևորած բոլոր երկրներին ու ժողովուրդներին, սփյուռքի մեր հայրենակիցներին, անհատ մարդկանց ու կազմակերպություններին, ովքեր իրենց անգնահատելի օգնությունն ու աջակցությունը բերեցին երկրաշարժի հետևանքների վերացման, ավերված քաղաքի վերականգնման գործին: Բարեկամ ժողովուրդների օգնությամբ վեր հառնած Սպիտակն այսօրվա իր տեսքով, թաղամասերի անվանումներով ժողովուրդների բարեկամության իրական խորհրդանիշ է: Չնայած նրան, որ Սպիտակում վերականգնողական մեծ աշխատանքներ են կատարվել (վերականգնվել ու գործում են բոլոր հանրակրթական, երաժշտական, գեղարվեստի և մարզական դպրոցները, բուժհաստատությունները, սպասարկման ոլորտի շատ կազմակերպություններ, վերականգնվել է բնակֆոնդի մի մասը), սակայն մինչև օրս վերացված չեն սարսափելի աղետի հետևանքները, դեռևս ամբողջովին լուծված չէ անօթևան բնակիչներին բնակարանով ապահովման խնդիրը, կան չլուծված սոցիալ-տնտեսական բազում խնդիրներ' փողոցների բարեկարգում և լուսավորություն, ոռոգման, խմելու ջրի ջրագծերի, կոյուղագծերի կառուցում և վերանորոգում: Սպիտակում խիստ կարևորվում է աշխատատեղերի ստեղծման խնդիրը: Համայնքում գտնվում են 128 պատմաճարտարապետական և հնագիտական հուշարձաններ, ընդգրկված են ՀՀ մշակույթի նախարարության պատմամշակութային հուշարձանների պահպանության ցանկում:

Համայնքի մշտական բնակչության թվաքանակը ՀՀ Ոստիկանության ԱՎՎ Սպիտակի անձնագրային բաժնի կողմից ւփալներով 2022 թվականի հունվարի 1-ի դրությամբ կազմել է 43460 մարդ:

Տեղական ինքնակառավարման մարմիններն են'

• Համայնքի ավագանին' բաղկացած 27 անդամից, (ընտրված 2021 թվականին դեկտեմբերի 5-ին) լիազորությունների սկիզբը 2021թ. դեկտեմբերի 17-ից:
• Համայնքի ղեկավարը (ընտրված 2021 թվականի ապրիլի 5-ին), լիազորությունների սկիզբը 2021թ դեկտեմբերի 17-ից:

Համայնքի ղեկավարն իր լիազորություններն իրականացնում է համայնքապետարանի աշխատակազմի և քաղաքական, վարչական, հայեցողական պաշտոններ զբաղեցնող անձանց միջոցով:

Համայնքապետարանի աշխատակազմի հաստիքների թիվը 173 է, որից քաղաքական պաշտոն-3, հայեցողական պաշտոն զբաղեցնողներ- 3, համայնքային ծառայողներ-80' սպասարկող անձնակազմ-54,5:

Համայնքապետարանի աշխատակազմը բաղկացած է 4 կառուցվածքային ստորաբաժանումներից:

Համայնքապետարանի աշխատակազմի կառուցվածքը:

Սպիտակի համայնքապետարանի աշխատակազմ

Կառուցվածքային ստորաբաժանումներ

• Ֆինանսատնտեսագիտական,
• եկամուտների հաշվառման և հավաքագրման,
• գնումների, գովազդի առևտրի և սպասարկման բաժին
• Քաղաքաշինության, հողաշինության, գյուղատնտեսության, կոմունալ սպասարկման և տրանսպորտի բաժին
• Մշակույթի, կրթության, սպորտի, երիտասարդության և տուրիզմի բաժին
• Քարտուղարության, անձնակազմի կառավարման և տեղեկատվական տեխնոլոգիաների բաժին

Համայնքի ենթակայության ոչ առևտրային կազմակերպությունների անվանումները և հաստիքային միավորների և աշխատակիցների թվաքանակը.

• «Սպիտակի թիվ 1 մանկապարտեզ» ՀՈԱԿ - 10,12 հաստիքային միավոր - 14 աշխատակից,
• «Սպիտակի թիվ 2 մանկապարտեզ» ՀՈԱԿ - 27,72 հաստիքային միավոր - 31 աշխատակից,
• «Հայաստանի Հանրապետության Լոռու մարզի Սպիտակ համայնքի Շիրակամուտի «Արևիկ» մանկապարտեզ» ՀՈԱԿ 13,2 հաստիքային միավոր - 10 աշխատակից,
• «Հայաստանի Հանրապետության Լոռու մարզի Սպիտակ համայնքի Արևաշողի «Հասմիկ» մանկապարտեզ» ՀՈԱԿ – 9,95 հաստիքային միավոր - 14 աշխատակից,
• «Հայաստանի Հանրապետության Լոռու մարզի Սպիտակ համայնքի Ծաղկաբերի «Ծիածան» մանկապարտեզ» ՀՈԱԿ – 5 հաստիքային միավոր - 6 աշխատակից,
• «Հայաստանի Հանրապետության Լոռու մարզի Սպիտակ համայնքի Մեծ Պարնու մանկապարտեզ» ՀՈԱԿ – 10 հաստիքային միավոր - 14 աշխատակից,
• «Հայաստանի Հանրապետության Լոռու մարզի Սպիտակ համայնքի Շենավանի «Արեգակ» մանկապարտեզ» ՀՈԱԿ - 5,62 հաստիքային միավոր - 7 աշխատակից,
• «Հայաստանի Հանրապետության Լոռու մարզի Սպիտակ համայնքի Կաթնաջուրի մանկապարտեզ» ՀՈԱԿ – 5,62 հաստիքային միավոր - 7 աշխատակից,
• «Սպիտակի երաժշտական դպրոց կրթադաստիարակչական ուսումնական հաստատություն» ՀՈԱԿ – 29,04 հաստիքային միավոր- 24 աշխատակից,
• «Սպիտակի գեղարվեստի դպրոց կրթադաստիարակչական ուսումնական հաստատություն» ՀՈԱԿ – 9 հաստիքային միավոր – 10 աշխատակից,
• Շիրակամուտի երաժշտական դպրոց ՀՈԱԿ – 13,2 հաստիքային միավոր - 11 աշխատակից,
• «Սպիտակի մշակույթի տուն» ՀՈԱԿ – 17 հաստիքային միավոր – 19 աշխատակից,
• «Սպիտակի քաղաքային գրադարան» ՀՈԱԿ - 14 հաստիքային միավոր – 15 աշխատակից,
• «Սպիտակ համայնքի բնակարանների և ենթակառուցվածքների սպասարկման գրասենյակ» ՀՈԱԿ – 36 հաստիքային միավոր – 36 աշխատակից

Համայնքում ներկայումս քաղաքաշինական գործունեությունը իրականացվում է առանց հաստատված քաղաքաշինական ծրագրային փաստաթղթերի, համայնքը չունի նաև քաղաքաշինական քարտեզ, քաղաքաշինական կադաստր, քաղաքաշինական կանոնադրություն: Վերջին 4 տարիների ընթացքում համայնքում կառուցապատողներին տրվել է 82 ճարտարապետահատակագծային առաջադրանքներ (կամ նախագծման թույլտվություններ):

Համայնքում առկա են 21 գործող և 4 փակ գերեզմանատներ: Գործող գերեզմանատների զբաղեցրած տարածքը 66,56 հա է, որը ՀՀ կառավարության որոշումներով փոխանցվել է համայնքին՝ որպես հատուկ պահպանվող տարածքների նպատակային նշանակության հողամաս, գործառնական դասակարգումը՝ գերեզմանոց: 0569-0012 կաղաստրային ծածկագրով 0.28հա մակերեսով հատուկ պահպանվող տարածքների նպատակային նշանակության հողամասում գտնվող Հայրենական Մեծ պատերազմի գերմանացի ռազմագերիների, 0271-0075 կաղաստրային ծածկագրով, 1.23հա մակերեսով և 0516-0001 կադաստրային ծածկագրով, 0,71հա մակերեսով հատուկ պահպանվող տարածքների նպատակային նշանակության հողամասերում գտնվող գերեզմանատները փակ են: Սպիտակ քաղաքի գործող գերեզմանատանը կից 0126-0001 կադաստրային ծածկագրով 2.5հա մակերեսով բնակավայրերի նպատակային նշանակության այլ գործառնական դասակարգման հողամասում բնակչության կողմից կատարվում են հուղարկավորություններ:

 Ջրամատակարարում և ջրահեռացում

Սպիտակ համայնքի գազամատակարարումը իրականացվում է «Գազպրոմ Արմենիա» ընկերության կողմից «Սպիտակ» և «ԳԲԿ» ավտոմատ գազաբաշխիչ կայաններից, որոնց ընդհանուր հզորությունը 7600 ն.մ ժամ է. սնումն իրականացվում է Կրասնի մոստ-Վանաձոր-Գյումրի-Արմավիր 325մմ տրամագծով բարձր ճնշման գազատարից: Գոյություն ունի 3 միջին ճնշման 93 678 մ երկարությամբ և 1 ցածր ճնշման 256 249 մ երկարությամբ գազատարեր:

2022թ. հունվարի 1-ի դրությամբ Սպիտակ համայնքում  գազաֆիկացված են 8064 բնակարաններ և առանձնատներ:

Աղբահանություն, սանիտարական մաքրում

Սպիտակ համայնքի սանիտարական մաքրման ենթակա փողոցների, հրապարակների, կամուրջների, մայթերի և այլ կառույցների ընդհանուր մակերեսը կազմում է 4657,91 հազ. քմ: Համայնքում աղբահանության, սանիտարական և ձմեռային մաքրման աշխատանքներն իրականացվում է մրցույթով ընտրված կազմակերպությունների կողմից: Աղբահանությունը կատարվում է շուրջ 166 բազմաբնակարան շենքերից և շուրջ 8118 մասնավոր տնտեսություններից: Աղբահանությունը իրականացվում է ամենօրյա և շաբաթական ռեժիմներով։

Ձյան մաքրման աշխատանքներում ներգրավվում է տարբեր տիպի տեխնիկա: Սպիտակ համայնքի վարչական տարածքում տեղադրված է թվով 950 աղբաման:

Սպիտակ համայնքում նախատեսվում է ձեռք բերել պլաստիկե աղբամաններ և իրականացնել աղբամանների ցանկապատում՝ շրջակա միջավայրի աղտոտումից խուսափելու նպատակով։

Սպիտակ համայնքի տարածքը 2022 թվականի հունվարի 1-ի դրությամբ 61531,36 հեկտար է. այդ թվում' համայնքային սեփականության հողերը կազմում են 33480,81հա, պետական սեփականության հողերը' 13633,39 հա, քաղաքացիներինը' 12214,40հա և իրավաբանական անձանց սեփականությանը' 2199,38հա: 280.78 հեկտարից ավել հողեր տարբեր ժամանակներում հատկացվել են համայնքի բնակիչներին, սակայն փաստաթղթեր չեն պահպանվել և ներկայումս առանց իրավաբանական ձևակերպման օգտագործվում են նրանց կողմից:

ՀՀ կառավարության 10.05.2012թ. թիվ 595 որոշմամբ «Վարպետաց» թաղամասի տարածքը առանձնացվել է որպես քաղաքաշինական գործունեության հատուկ կարգավորման օբյեկտ: Թաղամասում կառուցվել են միայն բնակելի տներ և մնացած մասով ծրագիրը չի իրականացել: «Վարպետաց» թաղամասի բնակելի տները միայն զբաղեցրած հողամասերով են ստացել իրավունքի պետական գրանցում և փոխանցվել կամ փոխանցվում է (գործընթացը շարունակվում է) բնակիչներին, իսկ տնամերձ հողամասերը մնացել են պետական սեփականություն, սակայն օգտագործվում են բնակիչների կողմից առանց իրավական ձևակերպման:

Համայնքում զարգացած է գյուղատնտեսության հետևյալ ճյուղերը' դաշտավարություն, անասնապահություն, այգեգործություն և այլն:

Համայնքի ոռոգելի գյուղատնտեսական նշանակության հողատարածքների ընդհանուր մակերեսը կազմում է 2858,5 հա, առկա է մոտավորապես 280 գյուղատնտեսական տեխնիկա և սարքավորումներ: Համայնքում խոշոր և մանր եղջերավոր անասունների թիվը 2022թ.հունվարի 1-ի դրությամբ կազմում է 10 686 խոշոր և 4 138 մանր, խոզեր 844, թռչուններ 245 621 թև, որից 220 000-ը' Սպիտակի թռչնաֆաբրիկայում, մեղվաընտանիքներ 1 300 հատ: Գյուղատնտեսական մթերքներից համայնքում արտադրվում է կաթ, պանիր, միս, թռչնի միս, ձու, մեղր:

Ամեն տարի սահմանված կարգով ու ժամկետներում կազմակերպվում է անասնագլխաքանակի հաշվառման աշխատանքներ, ժամանակին ու պատշաճ կատարվել է կենդանիների հիվանդությունների կանխման հակահամաճարակային միջոցառումներ: Պետական աջակցությամբ հողօգտագործողներին տրամադրվում է կարտոֆիլ, գարու, ցորենի բարձրակարգ սերմացուներ և պարարտանյութեր: Կենդանիների հաշվառման և համարակալման համակարգի ներդրման գործընթացը նախատեսվում է 2022 թվականի հոկտեմբեր-նոյեմբեր ամիսներին։

     2023 թվականին Սպիտակ համայնքի բնակավայրերում նախատեսվում է կառուցել՝  Արջհովիտ  2,5-3 կմ, Գեղասար 2 կմ, Սարահարթ 2,29 կմ, Գոգարան 3 կմ և Լեռնավան 1,2 կմ երկարությամբ ոռոգման ցանց։ Սարամեջում նախատեսվում է վերանորոգել գոյություն ունեցող 3 ջրամբարներ՝ գեոմեմբրանով։ Կաթնաջուրում կառուցվելու է 30-40 լ/վրկ հզորությամբ ոռոգման ջրի պոմպակայան։ Շենավան բնակավայրում նախատեսվում է վթարված բետոնե կիսախողովակների փոխարինում նորերով։

Համայնքի կոյուղին առանց մաքրման թափվում է Փամբակ գետի մեջ և աղտոտում այն, ուստի անհրաժեշտություն կա կեղտաջրերի մաքրման կայանի կառուցման: Սպիտակ քաղաքի ջրահեռացման համակարգերը քայքայվել են և ի հայտ են եկել բնականոն հոսքերի խափանման երևույթներ: Համայնքի բոլոր կանաչ զանգվածների և ծառատնկված վայրերի ընդհանուր մակերեսը կազմում 5037․9 հա: Յուրաքանչյուր տարի ստեղծվում են ծաղկանոցներ, էտվում և ձևավորվում են 520 ծառեր, կազմակերպվում է ծառատունկ, իրականացվում է կանաչապատ տարածքների սպասարկման այլ աշխատանքներ: Սպիտակ համայնքը 2014 թվականի մայիսին միացել է Եվրամիության Քաղաքապետերի դաշնագրին՝ պաշտոնապես հանձն առնելով քաղաքում բարձրացնել էներգիայի արդյունավետությունը և վերականգնվող էներգիայի աղբյուրների օգտագործումը: Դաշնագրին միանալուց հետո կազմվել և համայնքի ավագանու կողմից հաստատվել է Սպիտակ համայնքի կայուն էներգիայի զարգացման գործողության ծրագիրը, որը 2015 թվականի ապրիլի 10-ին ընդունվել է Եվրոպական հանձնաժողովի կողմից: Դաշնագրին միանալուց հետո կարճ ժամանակահատվածում մշակվել և առ այսօր համայնքում իրականացվում են մի շարք ծրագրեր: Այդ ծրագրերի շրջանակներում նախատեսվում է փոխարինել համայնքում տեղադրված փողոցային լուսավորության մոտ 200 կոմպակտ ֆլուրիսցենտ էլեկտրական 80վտ հզորությամբ լամպերը 60վտ հզորությամբ լոաադիոդային լամպերով: Բացի էներգասպառման նվազումից միջոցառումը պետք է նպաստի փողոցային լուսավորության որակի բարելավմանը' նոր լամպերի լուսային անդրադարձի արդյունավետության հաշվին: Տարեկան ակնկալվում է ստանալ մոտ 7.48 մվտժ էներգասպառման կրճատում: Նախատեսվում է նաև փոխարինել համայնքում տեղադրված փողոցային լուսավորության բոլոր 263 բարձր ճնշման նատրիումային 250վտ լամպերը 80վտ հզորությամբ լոաադիոդային լամպերով: Բացի էներգասպառման նվազումից միջոցառումը պետք է նպաստի փողոցային լուսավորության որակի բարելավմանը՝ նոր լամպերի լուսային անդրադարձի արդյունավետության հաշվին: Տարեկան ակնկալվում է ստանալ մոտ 51.62 մվտժ էներգասպառման կրճատում: 2022 թվականին փոխարինվել և տեղադրվել են Սպիտակ, Լեռնանցք, Ջրաշեն, Արևաշող, Արջհովիտ, Շենավան, Գեղասար և Խնկոյան բնակավայրերի փողոցային լուսավորության 285 հատ լեդ լամպեր։ 2023 թվականի ընթացքում նախատեսվում է փոխարինել կամ տեղադրել Սպիտակ, Լեռնանցք, Ջրաշեն, Արևաշող և Շիրակամուտ բնակավայրերի փողոցների լուսավուրության ֆլուրիսցենտ էլեկտրական լամպերը 390 հատ լեդ լամպերով։

Սպիտակ համայնքը գտնվում է տրանսպորտային ցանցով առավել ապահովված գոտում: Սպիտակ համայնքի վարչական տարածքով են անցնում Վրաստանի, Ռուսաստանի /Երևան- Գյումրի-Սպիտակ-Վանաձոր-Ս՜ոսկվա/ և Թուրքիայի հետ կապող երկաթուղիները, Մ-3 «Մարգարա-Վանաձոր-Տաշիր-Վրաստանի սահման» և Մ-7 «Մ-3- Սպիտակ-Գյումրի-Թուրքիայի սահման» միջպետական նշանակության ավտոճանապարհները: Սպիտակ քաղաքը  բնակավայրերի հետ կապված է տեղական նշանակության ճանապարհներով:

Համայնքում գոյություն ունի 31 ավտոմոբիլային միաթռիչք և 3 երկաթուղային միաթռիչք բավարար տեխնիկական վիճակի կամուրջներ:

Համայնքում 2022թ.հունվարի 1-ի դրությամբ գրանցված է 6751 անձնական և 1796 արտադրական ձեռնարկությունների ավտոմոբիլ: Սպիտակ համայնքում գործում են թվով 5 միկրոավտոբոսային երթուղիներ և հասարակական տրանսպորտի սպասարկման 27 կանգառներ:

Նշված երթուղիները պայմանագրային հիմունքներով սպասարկում են երթուղիների սպասարկման իրավունքի հատկացման համար անցկացված մրցույթներում հաղթող ճանաչված 2 մասնավոր կազմակերպություններ:

Ներհամայնքային գրունտային փողոցներում պարբերաբար իրականացվում են նորոգման աշխատանքներ:

2022 թվականի ընթացքում համայնքում իրականացվում են փողոցների ասֆալտ/բետոնե ծածկույթի վերականգնման աշխատանքներ։

2022 թվականի ընթացքում Սպիտակ համայնքի մի շարք բնակավայրերում նախատեսվում է ներբնակավայրային ճանապարհների տուֆով սալարկման աշխատանքներ։ Բացի այդ կատարվել են որոշ ներբնակավայրային ճանապարհների հիմնանորոգում։

Սպիտակ քաղաքում իրականացվել է ասֆալտապատ փողոցների գծանշման աշխատանքներ։ Գծանշման աշխատանքներ պետք է իրականացվեն նաև Սպիտակ համայնքի բնակավայրերի ասֆալտապատ փողոցներում։ Տեղադրվել են նոր ճանապարհային նշաններ  և վերանորոգվել են հները։

Համայնքի տարածքում առևտրի, հասարակական սննդի և սպասարկման ոլորտի օբյեկտների

ընդհանուր թիվը կազմում է 224, այդ թվում'

առևտրի օբյեկտներ-195,

հանրային սննդի օբյեկտներ -9,

սուպերմարկետ-1,

խաղատներ, զվարճանքի, շահումով խաղերի օբյեկտներ-0, բենզինի լցակայաններ - 7, գազի լիցքավորման կետեր - 12, գյուղատնտեսական արտադրանքի շուկա - 0:

Սպիտակ համայնքում անհավասարաչափ են տեղաբաշխված առևտրի, հանրային սննդի, սպասարկման ծառայություններ մատուցող օբյեկտները, իսկ կենտրոնական փողոցներին հարող տարածքները և մայթերը գերհագեցած են կրպակներով ու տաղավարներով, որոնցից շատերն արղեն իսկ ծառայում են փողոցային առևտուր իրականացնողների համար որպես պահեստներ: Ինչպես այղ, այնպես էլ պարենային, ոչ պարենային ապրանքների և գյուղմթերքների բացօթյա առևտուրը ենթակա է կանոնակարգման:

Գովազդը համարվում է ճարտարապետական միջավայրի ձևավորման հիմնական տարրերից մեկը: Համայնքում զբոսաշրջության զարգացման և հյուրերին անհրաժեշտ տեղեկատվություն տրամադրման համար անհրաժեշտ է հյուրանոցի, համայնքի հիմնական մշակութային օջախների, հասարակական սննդի կետերի գտնվելու վայրերի վերաբերյալ խորհրդանշող վահանակներ: Սպիտակ համայնքի տարածքում 2022թ. հունվարի 1-ի դրությամբ տեղադրված են 14 արտաքին գովազդային նյութեր' 27 գովազդային վահանակների և 13 հենասյուների վրա:

Գովազդի ոլորտը համայնքում կարգավորվում է «Տեղական տուրքերի և վճարների մասին» ՀՀ օրենքով: Ըստ այդ օրենքի' ավագանին սահմանել է մեկ քմ-ի համար հետևյալ գովազդային սակագները'

ա) ալկոհոլային (սպիրտի պարունակությունը մինչև 20 ծավալային տոկոս) արտադրանք գովազդի համար' 2000 (երկու հազար) դրամ,

բ) թունդ ալկոհոլային (սպիրտի պարունակությունը 20 և ավելի ծավալային տոկոս) արտադրանք գովազդող արտաքին գովազդի համար' 3500 (երեք հազար հինգ հարյուր) դրամ, գ) այլ արտաքին գովազդի համար' 1500 (հազար հինգ հարյուր) դրամ,

դ) դատարկ գովազդային վահանակների համար' համայնքի վարչական տարածքում այլ արտաքին գովազդ տեղադրելու համար սահմանված տուրքի 375 (երեք հարյուր յոթանասունհինգ) ՀՀ դրամ,

ե) եթե արտաքին գովազդ տարածող գովազդակիրը տեղաբաշխել և տարածել է իր կազմակերպության գովազդը' համայնքի վարչական տարածքում այլ արտաքին գովազդ տեղադրելու թույլտվության համար սահմանված տուրքի 150 (հարյուր հիսուն) ՀՀ դրամ:

Համայնքում գործում են 28 դպրոցներ' 17 միջնակարգ, 10 հիմնական, 1 ավագ, որոնք տեղավորված են հարմարավետ և լուսավոր շենքերում: Աշակերտների թիվը' 3842, աշխատողների թիվը' 896, շենքերի վիճակը' լավ: Թիվ 8 միջնակարգ դպրոցը գազաֆիկացված չէ, ջեռուցվում է էլեկտրաէներգիայով:

«Սպիտակի երաժշտական դպրոց կրթադաստիարակչական ուսումնական հաստատություն» ՀՈԱԿ՝ խմբերի թիվը 12՝ երգչախումբ, ջութակի համույթ, քանոնի համույթ, դհոլահարների համույթ և նվագախումբ, բաժինները՝ դաշնամուրային, լարային, ազգային և վոկալ, աշակերտների թիվը՝ 216, աշխատակիցների թիվը' 35: Ուսուցիչներն ունեն համապատասխան մասնագիտական կրթություն, նկատելիորեն բարձրացել է ուսման որակը, աշխատողների պատասխանատվությունը: Զգալի հաջողությունների են հասել երաժշտական դպրոցի սաները' մասնակցելով մի շարք մրցույթ- ւիառատոների:

Երաժշտական դպրոցի շենքի նկատմամբ իրավունքի ձեռքբերում:

Մասնագետների վերապատրաստում, նոր մասնագետների ներգրավում։

Գույքի և երաժշտական գործիքների համալրում։

Շիրակամուտի երաժշտական դպրոց ՀՈԱԿ՝ խմբերի թիվը 5՝ երգչախումբ, դաշնամուր, քանոնի համույթ, սոլֆեջո և երաժշտական գրականություն, աշակերտների թիվը՝ 38, աշխատակիցների թիվը' 11: Ուսուցիչներն ունեն համապատասխան մասնագիտական կրթություն, նկատելիորեն բարձրացել է ուսման որակը, աշխատողների պատասխանատվությունը: Զգալի հաջողությունների են հասել երաժշտական դպրոցի սաները' մասնակցելով մի շարք մրցույթ- ւիառատոների:

Մասնագետների վերապատրաստում, նոր մասնագետների ներգրավում։

Գույքի և երաժշտական գործիքների համալրում:

Մշակույթի տուն

Մշակույթի տանը գործում են պարի, երգի և թատերական մեկական խմբեր, որոնցում ընդգրկված են շուրջ 32 սաներ: Մշակույթի տան գործունեությունը նպատակաուղղված է շնորհալի երեխաների հայտնաբերմանը և նրանց տաղանդի բացահայտմանը:

Մշակույթի տան պարային խմբերը, երգի և տիկնիկային ստուդիայի սաները մշտապես մասնակցում են մարզային և հանրապետական մրցույթների, փառատոների և հիմնականում վերադառնում մրցանակներով, դիպլոմներով, շնորհակալագրերով ու հավաստագրերով:

Համայնքում կազմակերպվում են միջոցառումներ նվիրված ՀՀ տոների և հիշատակի օրերին, հոբելյանական և հիշարժան տարեթվերին նվիրված միջոցառումներ։

Մշակույթի տան շենքի նկատմամբ իրավունքի ձեռքբերում:

Կապիտալ վերանորոգում:

Խմբային սենյակների ավելացում:

Ձայնային և լուսային համակարգի, անհրաժեշտ տեխնիկայի համալրում։

Մշակույթի տան թատերական խմբի և նոր համույթների ստեղծում:

Մասնագետների վերապատրաստում, նոր մասնագետների ներգրավում։

Գրադարան

Համայնքում գործում է մեկ քաղաքային գրադարան, որի գրքային ֆոնդը կազմում է 31 476  օրինակ գիրք ու բրոշյուր և 1069 օրինակ ամսագրեր ու լրագրեր: Գրադարանի թանգարանային բաժնի հիմնական ցուցանմուշների թիվը կազմում է 253 և գիտաօժանդակ նյութեր' 1456: Ընթերցողների թիվը' 2758 մարդ: Թանգարանի այցելուների թիվը' 4270 մարդ: Գրադարանում իրականացվում են «Գրադարանային շաբաթ», «Գիշերային գրադարան», «Թանգարանային գիշեր» ծրագրերը և բազմաբնույթ այլ միջոցառումներ, որոնցում մեծ ուշադրություն է դարձվում երիտասարդության հետ տարվող աշխատանքներին' օգտագործելով նրանց ներուժը տարբեր միջոցառումներ կազմակերպելու համար: Գրադարանն ունի գույքի համալրման կարիք:

Համայնքում գործում է «Սպիտակի բժշկական կենտրոն» ՓԲԸ, որը համայնքի բնակչության առողջապահական սպասարկումը իրականացնում է երկու մասնաշենքերում, /հիվանդանոցային և պոլիկլինիկական/ արհեստավարժ բուժական անձնակազմի օգնությամբ: /բժիշկներ' 52 և 105 միջին բուժանձնակազմ/: Մասնաշենքերը գտնվում են լավ վիճակում /հնարավորության դեպքում կարելի է կատարել պոլիկլինիկական մասնաշենքի առաստաղի մասնակի վերանորոգում/, ջեռուցվում են: Հիվանդանոցն ունի սոմատիկ, վիրաբուժական, մանկաբարձա-գինեկոլոգիական, ինֆեկցիոն բաժանմունքներ, դիագնոստիկ ախտորոշիչ բաժին, շտապ բուժօգնության ենթակայան: 2016թ. հունիսից ԲԿ-ում գործում է նաև ժամանակակից ակնաբանական կենտրոնը: Համայնքում գործում են 7 դեղատներ: Բժշկական ծառայություն է մատուցվում նաև «Ռեցեպտոր» առողջապահական կենտրոնի /2 բժիշկ, 2 բուժքույր, 1 բժշկի օգնական: «Հույս Հայաստան հիմնադրամ»-ի բժշկական բարեգործական կենտրոնի /4 բժիշկ, 3 բուժքույր, 2 օժանդակ աշխատակից/ կողմից: Համայնքապետարանի և «Խնամք» ՀԿ-ի համագործակցությամբ Իտալական թաղամասում կառուցվել, գույքով համալրվել է և 2016թ ապրիլից գործում է խնամքի կենտրոնը' հոգեկան խնդիրներ ունեցող մարդկանց համար, որտեղ աշխատում է 12 մարդ: Համայնքում գործում են նաև առողջապահական ՊՈԱԿ-ներ՝ «Արևաշողի առողջության առաջնային պահպանման կենտրոն» ՊՈԱԿ, անձնակազմը՝ 7, մատուցվող ծառայությունը՝ ամբուլատոր պոլիկլինիկական և առողջության առաջնային պահպանում։ Սպասարկվող ազգաբնակչության թիվը՝ 2756 մարդ։ «Ջրաշենի բժշկական ամբուլատորիա» ՀՈԱԿ, անձնակազմը՝ 16, սպասարկվող ազգաբնակչոււթյան թիվը՝ 6239 մարդ։ Սպասարկում է Սարամեջի և Լեռնավանի ԲՄԿ-ները /բուժակամանկաբարձական կետեր/։ «Մեծ Պարնիի առողջության կենտրոն» ՊՈԱԿ, անձնակազմը՝ 38, իրականացնում է ամբուլատոր պոլիկլինիկական ծառայություն: Սպասարկվող ազգաբնակչության թիվը՝ 11012 մարդ: Սպասարկում է Ծաղկաբերի, Խնկոյանի, Լուսաղբյուրի, Գեղասարի, Սարահարթի, Շիրակամուտի, Գոգարանի, Կաթնաջուրի, Սարալանջի Հարթագյուղի ԲՄԿ-ները /բուժակամանկաբարձական կետեր/:

Սպիտակ համայնքն ունի 1 զբոսայգի, 30 խաղահրապարակ, 11 հանգստի գոտի, 23 մերձակա անտառային գոտի, բազմաբնակարան բնակելի շենքերի բակային տարածքներ:

Մերձակա անտառային գոտիները գտնվում է լավ վիճակում:

Զբոսայգում վերանորոգման աշխատանքներ իրականացվել են 1990-ական թվականներին: Կարուսելները և նստարանները խորհրդային ժամանկաշրջանից են, ներկայումս դրանք շահագործման համար պիտանի չեն:

Որոշ բազմաբնակարան բնակելի շենքերի բակային տարածքներ գտնվում են անբարեկարգ վիճակում:

Համայնքում կա 23529 աշխատունակ մարդ, որոնցից մշտական աշխատանքով զբաղված են միայն 5976-ը, 2021 անձ որպես գործազուրկ գրանցված են Սպիտակի զբաղվածության տարածքային կենտրոնում: Համայնքի 5312 ընտանիքներից 2879-ը հաշվառված են ընտանեկան նպաստի պետական համակարգում, որոնցից սոցիալապես անապահովության նպաստառու է գնահատվել 2362 ընտանիք: Համայնքում բնակվում է 4152 հաշմանդամ, միակողմանի ծնողազուրկ' 104 երեխա, երկկողմանի ծնողազուրկ' 9 երեխա: Համայնքում պետական և համայնքային սոցիալական ծրագրերի իրականացումը միտված է համայնքի կյանքի դժվարին իրավիճակներում հայտնված անձանց սոցիալական պաշտպանությանը, սոցիալական ռիսկերի աստիճանական կրճատմանը: Համայնքում սոցիալապես խոցելի ընտանքներն իրենց բազմաբնույթ սոցիալ-առողջապահական խնդիրներով բազմաթիվ են: Պետական պատվերի շրջանակներում համայնքի բնակիչներին շոշափելի սոցիալական ծառայություններ մատուցվում են հիմնականում Սպիտակի ՍԾՏԳ-ի կողմից: Կշարունակվի Սպիտակի համայնքապետարանի և սոցիալ բարեգործական հասարակական կազմակերպությունների հետ համագործակցությունը, որոնց արդյունքում նախատեսվում է կյանքի դժվարին իրավիճակներում հայտնված սոցիալապես անապահով, բազմանդամ, բազմազավակ ընտանիքներին, կերակրող կորցրած, միայնակ մոր կարգավիճակ, հաշմանդամության խումբ ունեցող անձանց սննդի (1730 ընտանիք), 1550 դպրոցահասակ երեխաներին' հագուստի, կոշիկների, գրենական պիտույքների, 1115 միայնակ ծերերին' ձմեռային տաք կոշիկների, հագուստի, անկողնային պարագաների: Շահագործված մշակութային (թանգարաններ, գրադարաններ) և մարզական նշանակություն ունեցող (մարզադպրոցներ, մարզադահլիճներ) շենքերն ու շինությունները հարմարեցված են հաշմանդամություն ունեցող անձանց համար: Հաշմանդամություն ունեցող անձինք մասնակցություն ունեն մշակութային, մարզական-մասսայական ծրագրերին: Համայնքապետարանի կողմից յուրաքանչյուր տարի 2մլն 850 հազար դրամ է կներդրվի «Առաքելություն Հայաստան» բարեգործական հասարակական կազմակերպության հետ համատեղ իրականացվող Սպիտակ համայնքի սոցիալապես անապահով տարեցների, հաշմանդամների և այլ անապահով խավերի (58 շահառու) առաջնային սոցիալական խնդիրների լուծմանն ուղղված ծրագրին (սնունդ, բուժօգնություն, իրավական և այլ խորհրդատվություններ):

Վերջին տասնամյակների ընթացքում զգալիորեն ավելացել է բնական աղետների հաճախականությունը և դրանց ուղեկցող մարդկային և նյութական կորուստների չափը:

Համայնքի կայուն զարգացման համար աղետների ռիսկերի գնահատումը և արդյունավետ կառավարումը կարևորագույն նախապայման է:

Սպիտակ համայնքը գտնվում է սեյսմիկ ակտիվ գոտում, ուստի երկրաշարժերը մեծ վտանգ են ներկայացնում համայնքին: Կլիմայի հետ կապված աղետները' երաշտները և հեղեղումները, նույնպես զգալի վնաս են հասցնում համայնքի տնտեսությանը: Համայնքը կարիք ունի ռիսկի կառավարման տեղեկատվության հավաքագրման և օգտագործման համակարգի, աղետների ռիսկի կենտրոնացված տվյալների բազայի և ռիսկի քարտեզավորման համակարգերի: Անհրաժեշտություն կա տեղական մակարդակով սկսել աղետների ռիսկի կառավարման (ԱՌԿ) շրջանակներում խոցելիության և կարողությունների գնահատման (ԽԿԳ), ինչպես նաև դրա իրականացման գործընթաց: Անհրաժեշտություն կա ձեռք բերելու ազդարարման համակարգեր և հակակարկտային կայաններ։

Սպիտակ համայնքի տեսլականը (հեռահար նպատակը) համայնքի կայուն զարգացումն է, որին համայնքը ձգտում է հասնել 5 տարի հետո:

Համայնքի հնգամյա զարգացման ծրագրի իրականացման արդյունքում ուրվագծվող տեսլականը հետևյալն է'

Համայնքում կրթական, մշակութային և մարզական հաստատությունները շահառու խավերի համար դարձել են առավել մատչելի և որակյալ, երիտասարդության ժամանցի կազմակերպման համար ստեղծվել են հարմար պայմաններ:

     Համայնքի բնակիչներն ունեն բարելավված կենցաղային և բնակարանային պայմաններ:

     Համայնքում Տեղական ինքնակառավարման մարմինների կառավարումը բաց է ու թափանցիկ, բնակիչները մասնակից են ՏԻՄ բոլոր օղակների որոշումների կայացմանը:

Բարեփոխումներ անցկացնելու ճանապարհով հետևողականորեն բարելավել համայնքի բնակչության սոցիալ-տնտեսական, մշակութային և հանգստի պայմանները, համայնքը դարձնել բարեկեցիկ:

Համայնքի իրավիճակի վերլուծության համար օգտագործվել է SWOT (ՈԻ-ԹՀՍ) վերլուծությունը, որի արդյունքում ընտրվել է համայնքի հնգամյա զարգացման հետևյալ ռազմավարությունը' բարեփոխումներ անցկացնելու ճանապարհով հետևողականորեն բարելավել համայնքի բնակչության սոցիալ-տնտեսական, մշակութային, առողջ ապրելակերպի և հանգստի պայմանները, համայնքը դարձնել զբոսաշրջության զարգացման կենտրոն' մաքուր, բարեկարգ և գրավիչ:

Համայնքի ռազմավարական նպատակներն են'

• զարգացնել տեղական ինքնակառավարումը,

• զարգացնել մարդկային կապիտալը,

• ստեղծել նոր որակի համայնքային միջավայր,

• զարգացնել փոքր ու միջին ձեռնարկությունները:

Ծրագրեր, ներդրումային ֆինանսական միջոցներով

 1. Սպիտակի մշակույթի տան հին երաժշտական ​​տեխնիկայի ամբողջական փոխարինում և համայնքապետարանի նիստերի դահլիճի նոր սարքավորումների ձեռքբերում,

2. Մանկական բաժանմունքների կահույքի և տեխնիկայի ձեռքբերում «Սպիտակի գեղարվեստի դպրոց կրթադաստիարակչական ուսումնական հաստատություն» ՀՈԱԿ-ի (ք.Սպիտակ, Շահումյան 105) և «Սպիտակի քաղաքային գրադարան» ՀՈԱԿ-ի (ք. Սպիտակ, Ս.Ավետիսյան 1) համար,

3. Սպիտակ համայնքի կարիքների համար՝ ավտոաշտարակ և բենզինային գեներատորի ձեռքբերում,

4. Սպիտակ համայնքի կարիքների համար՝  Աղբատար մեքենա MA3 4907CO-030, Աղբատար մեքենա MA3 4901CO-030 (4x2), Աղբատար մեքենա MA3 KO-449-17, Բազմաֆունկցիոնալ ճանապարհային մեքենա MA3-6912C3-310, Ինքնաթափ մեքենա МАЗ  457121-537-000 և  Աղբարկղների՝ 240լ – 50 հատ, 660լ – 150 հատ,   1100լ – 300 հատ, ձեռքբերում,

5. Մանկապարտեզ «Տաշիր»,

6. Մանկապարտեզ մոդուլային,

7. Թափառող կենդանիների վնասազերծում,

8. Սպիտակ բնակավայրի կարիքների համար էներգախնայող led լուսատուների ձեռք բերում:

Սուբվենցիոն ծրագրեր  2022թ

Ծրագիր 1.  Սպիտակ բնակավայրի Էստոնական և Տաշիր թաղամասերի գլխավոր ճանապարհների, Ծաղկաբեր համայնքի 3-րդ փողոցի և Լեռնանցք բնակավայրի «Նոր գյուղ» -ի կենտրոնական ճանապարհի սալարկում տուֆով և ջրահեռացման համակարգի կառուցում   (2022թ. մայիս- նոյմբեր)

Ծրագիր 2.  Սպիտակ բնակավայրի Այգեստան թաղամասի փողոցի հիմնանորոգում ասֆալտապատումով և ջրահեռացման համակարգով, Շենավան բնակավայրի փողոցների մասնակի ասֆալտապատում, Արևաշողի բնակավայրի կենտրոնական  ճանապարհի հիմնանորոգում ասֆալտապատումով, Ծաղկաբեր բնակավայրի 1-ին փողոցի  հենապատի  կառուցում, Լուսաղբյուր բնակավայրի ճանապարհների ասֆալտապատում (2022թ. մայիս- նոյմբեր)

Ծրագիր 3. Սարահարթ բնակավայրի 4-րդ փողոցի, Լուսաղբյուր բնակավայրի գերեզմանատուն տանող, Լեռնավան բնակավայրի 2-րդ փողոցի , Ջրաշեն բնակավայրի 7-րդ փողոցի, 1-ին փողոցի, Խնկոյան բնակավայրի գերեզմանատուն տանող ճանապարհի սալարկում տուֆով և ջրահեռացման համակարգի կառուցում  (2022թ. մայիս- նոյմբեր)

Ծրագիր 4.Կաթնաջուր բնակավայր - «ՀՀ Լոռու մարզի Սպիտակ համայնքի Կաթնաջուր բնակավայրի արցախյան գոյամարտերում անմահացած զավակների հիշատակի հուշահամալիրի կառուցում», Մեծ Պարնի բնակավայր - ՀՀ Լոռու մարզի Սպիտակ համայնքի Մեծ Պարնի բնակավայրի նոր բնակատեղիի համայնքային այգու կառուցում: (2022թ. մայիս- նոյմբեր)

Ծրագիր 5 . Սպիտակ, Լեռնանցք, Արջահովիտ, Ջրաշեն, Արևաշող, Շենավան, Գեղասար և Խնկոյան բնակավայրերի փողոցային լուսավորության գոյություն ունեցող համակարգերի ընդլայնում (2022թ. մայիս- նոյմբեր)

Ծրագիր 6.  Լեռնավան բնակավայրում խմելու ջրի նոր ջրագծի կառուցում, ներքին ցանցավորում, Քարաձոր բնակավայրի խմելու ջրի ցանցի մասնակի խողովակաշարի վերանորոգում, Գոգարան բնակավայրի խմելու ջրի ներքին ցանցի վերակառուցում, Շիրակամուտի թիվ 14, 16 փողոցների, Կրասնոդարի փողոցի խմելու ջրի ջրագծերի հիմնանորոգում, Հարթագյուղ բնակավայրի խմելու ջրի ջրագծերի փոփոխում և ակունքների վերանորոգում» ծրագրի (2022թ. մայիս- դեկտեմբեր)

Ծրագիր 7. Սարամեջ բնակավայրի  ոռոգման ցանցի  վերակառուցում, Արջահովիտ բնակավայրի ոռոգման ներքին  ջրատարի կառուցում, Շենավան բնակավայրի ոռոգման համակարգի վերանորոգում և ջրամբարի հիմնանորոգում, Գեղասար՝ ոռոգման համակարգի կառուցում, Սարահարթ՝ բնակավայրի 10-րդ, 15-րդ և 16-րդ փողոցների ոռոգման համակարգի կառուցում, Կաթնաջուր բնակավայրի ոռոգման համակարգի կառուցում, Ծաղկաբեր բնակավայրի ոռոգման համակարգի կառուցում, Լեռնավան բնակավայրի ոռոգման համակարգի կառուցում (2022թ. մայիս- դեկտեմբեր)

Սուբվենցիոն ծրագրեր  2023-2027թթ.

Ծրագիր 1.  Քարաձոր բնակավայր

1      Խմելու  ջրի ցանցի մասնակի (2500մ) խողովակաշարի վերանորոգում,

2      2000մ երկարությամբ 1-ին  և 3- րդ փողոցների միակողմանի ոռոգման ջրատար առուների կառուցում,

3     3- րդ փողոցի (1000մ երկարությամբ) սալարկում:

Ծրագիր 2.  Ծաղկաբեր բնակավայր

1  Կարկտակայանների տեղադրում.

2  Ջրահավաք ավազանի և 3-րդ փողոցի խմելու ջրագծի կառուցում.

3  Ճանապարհների տուֆապատում.

4  Ճանապարհների ասֆալտապատում՝ ջրահեռացումով.

5  Զույգ աղբյուրի խմելու ջրագծի վերակառուցում:

Ծրագիր 3.  Արջհովիտ  բնակավայր

1      Ոռոգման ներքին  ջրագծի կառուցում՝ 3կմ.

2      Փողոցային լուսավորություն՝ 4100մ.

3     Կոյուղու կառուցում՝ 1կմ.

4     Ներհամայնքային փողոցների ասֆալտապատում՝ 3կմ:

Ծրագիր 4.  Շենավան  բնակավայր

1    Ճանապարհների ասֆալտապատում.

1      Ոռոգման համակարգի կառուցում և վերանորոգում.

2      Հանդիսությունների սրահի հիմնանորոգում.

3     Գիշերային լուսավորության ընդլայնում.

4     Խմելու ջրագծի փոխարինում՝ 6կմ:

        Ծրագիր 5. Լուսաղբյուր  բնակավայր

1      Համայնքային կենտրոնի շենքի կառուցում.

2      Սպորտդահլիճի կառուցում.

3     Հանդիսությունների սրահի կառուցում.

4     17-րդ, 18-րդ և 2-րդ փողոցների ասֆալտապատում.

5     Բնակավայրի տարածքով անցնող սելավատարների գաբիոնով պատում.

6     Ֆուտբոլի դաշտի վերակառուցում.

7      3-րդ և 12-րդ փողոցների տուֆապատում:

         Ծրագիր 6 . Խնկոյան  բնակավայր

1      Խնկոյան-Լուսաղբյուր 2կմ ճանապարհի ասֆալտապատում.

2      գերեզմաներ տանող 100մ ճանապարհի քարե սալապատում:

           Ծրագիր 7. Կաթնաջուր  բնակավայր

1      330-40լ/վրկ հզորությամբ ոռոգման ջրի պոմպակայանի տեղադրում.

2      Մանկապարտեզի շենքի վերանորոգում.

3     Հրապարակի սելավատարի կառուցում և հարակից տարածքների բարեկարգում.

4     Ավտոբուսային կանգառների կառուցում:

5     Մարզադահլիճի կառուցում:

Ծրագիր 8 . Մեծ Պարնի  բնակավայր

1      Մշակույթի տան ներքին և արտաքին հարդարման աշխատանքների և գույքի  ձեռքբերում.

2      Մ-2 փողոցի և գերերեզմանատուն տանող ճանապարհի տուֆ քարով սալարկում.

3     Արտաքին լուսավորություն՝ 1,5 կմ.

4     Ոռոգման  ջրի ներքին ցանցի կառուցում.

5     Մինի ֆուտբոլի դաշտի կառուցում:

         Ծրագիր 9 . Լեռնավան   բնակավայր

1      Գերերեզմանատուն տանող ճանապարհի տուֆ քարով սալարկում՝ 250մ.

2      «Բեբոյի խամ գերերեզմանատուն տանող ճանապարհի տուֆ քարով սալարկում՝ 350մ.

3     15-րդ փողոցի սալարկում տուֆ քարով, ջրահեռացման համակարգով՝ 350մ.

4     1-ին փողոցի ասֆալտապատում ջրահեռացման համակարգով՝ 410մ.

5     9-րդ փողոցի սալարկում տուֆ քարով՝ ջրահեռացման համակարգով՝ 370մ.

6     14-րդ փողոցի դեպի դպրոց գնացող ճանապարհի սալարկում տուֆ քարով՝ ջրահեռացման համակարգով՝ 220մ.

7      Վարչական շենքի կառուցում:

         Ծրագիր 10 . Լեռնանցք   բնակավայր

1.  Գազաֆիկացում.

     2.  Լուսավորության համակարգի ընդլայնում.

     3.  Ֆուտբոլի դաշտի վերանորոգում.

     4.  Ասֆալտապատման և տուֆապատման աշխատանքներ.

     5.  Ջրամբարի կառուցում.

     6. Մշակույթի տան կառուցում:

Ծրագիր 11. Արևաշող  բնակավայր

1      1-ին փողոցի 14-րդ նրբանցքի տուֆ քարով սալապատում և լոսավորում՝ 209մ.

2      13-րդ փողոցի տուֆ քարով սալապատում և լոսավորում՝ 430մ,

3     13-րդ փողոցի 1-ին փակուղու տուֆ քարով սալապատում և լոսավորում՝ 150մ.

4     1-ին փողոցի 10-րդ նրբանցքի տուֆ քարով սալապատում և լոսավորում՝ 294մ.

5     1-ին փողոցի 10-րդ նրբանցքի 10-րդ  փակուղու տուֆ քարով սալապատում՝ 139մ.

6     1-ին փողոցի 11-րդ նրբանցքի մի մասի տուֆ քարով սալապատում՝ 280մ,

7      3-րդ փողոցի չկառուցված մասի տուֆ քարով սալապատում և լոսավորում՝ 505մ.

8     7-րդ փողոցի տուֆ քարով սալապատում և լուսավորում՝ 639մ.

9     11–րդ փողոցի մի մասի տուֆ քարով սալապատում և լուսավորում՝ 185մ:

    Ծրագիր 12. Հարթագյուղ  բնակավայր

1      Համայնքում կա բնական գազ, սակայն հասանելի չէ բոլորին, անհրաժոշտ է կատարել թաղամասերի գազամատակարարում.

2      Ֆոտովոլտային կայանի տեղադրում. 

3     Ոռոգման համակարգի կառուցում:

Ծրագիր 13. Սարամեջ   բնակավայր

1.  3  ջրամբարների մեմբրանացում, որը կծառայի բնակչությանը որպես ոռոգման.
2.  հանդիսությունների սրահի կառուցում.
3.  մանկապարտեզի կառուցում.
4.  երկրորդական փողոցների ճանապարներհի վերանորոգում.
5.  գերերեզմանատուն տանող ճանապարհի տուֆ քարով սալարկում. 
6.  իշերային լուսավորում:

Ծրագիր 14. Գոգարան  բնակավայր

            1 ոռոգման համակարգի կառուցում.

            2 խմելու ջրի ներքին ցանցի մասնակի փոխարինում.

            3 հանդամիջյան ճանապարների հարթեցում (կառուցում).

            4 բնակավայրի փողոցների ասֆալտապատում (տուֆապատում):

Ծրագիր 15. Սարալանջ  բնակավայր

            1 հանդիսությունների սրահի վերանորոգում,

            2 գերերեզմանատուն տանող ճանապարհի տուֆ քարով սալարկում կամ ասֆալտապատում՝ 300մ:

Ծրագիր 16. Շիրակամուտ  բնակավայր

1. Հայկական փողոցի՝ մինչև «Չիչխանավանք» եկեղեցի տանող ճանապարհի ասֆալտապատում՝ 2կմ.
2. 11-րդ փողոցի լուսավորության ցանցի կառուցում՝ 350մ.     
3.  18- րդ փողոցի գազաֆիկացում՝ 700մ.
4.   մանկապարտեզի շենքի վերանորոգում և կահավորում: 

Ծրագիր 17. Ջրաշեն  բնակավայր                

1. 8-րդ փողոցի 13-րդ և 14-րդ նրբանցքների՝ 900մ, 4-րդ փողոցի՝ 300մ և 3-րդ փողոցի՝ 500մ հատվածների գազաֆիկացում.
2. 10-րդ փողոցի 1-ին նրբանցքի՝ 400մ, 9-րդ փողոցի՝ 400մ, 8-րդ փողոցի 8-րդ նրբանցքի՝ 250մ, 8-րդ փողոցի 9-րդ նրբանցքի՝ 200մ, 8-րդ փողոցի 10-րդ նրբանցքի՝ 150մ, 8-րդ նրբանցքի 200մ, 1-ին փողոցի 5-րդ նրբանցքի՝ 250մ, 1-ին փողոցի 4–րդ նրբանցքի 1-ին փակուղի՝ 200մ և 1-ին փողոցի 2–րդ նրբանցքի՝ 500մ ճանապարհների սալապատում, ջրատարներով.

1. 1-ին փողոցի և 1-ին փողոցի 8-րդ նրբանցքի լուսավորում.
2. փողոցների ջրատարների կառուցում.
3. ջրամբարի կառուցում.
4. մշակույթի կենտրոնի կառուցում.
5. հուշահամալիրի տարածքի բարեկարգում.
6. համայնքային ջբոսայգու կառուցում:

Ծրագիր 18. Սարահարթ  բնակավայր

     1. պոմպակայանի վերակառուցում.

     2. խմելու ջրի ներքին ցանցի կառուցում և ջրամբարի վերանորոգում.

     3. միջբնակավայրային փողոցների ասֆալտապատում և սալարկում տուֆ քարով.

     4. փողոցային լուսավորության գոյություն ունեցող լուսատուների փոխարինում նոր ԼԵԴ լուսատուներով, ինչպես նաև մարզադաշտի և խաղահրապարակի լուսավորության ապահովում.

     5. մարզդադաշտի նստատեղերի կառուցում, վազքուղու բետոնացում և ռետինե շերտի իրականացում.

     6. վարչական շենքի տարածքի ցանկապատում:

Ծրագիր 19. Նոր Խաչակապ  բնակավայր

     1 հանդիսությունների սրահի վերանորոգում.

     2  դպրոցի կիսակառույց  սպորտդահլիճի վերանորոգում.

     3 գերեզմանատան Ճանապարհի տուֆապատում.

     4 միջհամայնքային ճանապարհների վերանորգում.

     5 հանդամիջյան ճանապարհների վերանորոգում:

Ծրագիր 20. Գեղասար բնակավայր

      1 հանդիսությունների սրահի վերանորոգում.

      2  դպրոցի կիսակառույց  սպորտդահլիճի վերանորոգում.

      3 գերեզմանատան ճանապարհի տուֆապատում.

      4 միջհամայնքային ճանապարհների վերանորգում.

      5 հանդամիջյան ճանապարհների վերանորոգում:

Ծրագիր 21 . Սպիտակ  բնակավայր

      1 ճանապարհների տուֆ քարով սալարկում. 

      2  ավտոպարկի կառուցում.

      3 ճանապարհների լուսավորություն.

      4  ճանապարհների  ջրահեռացում.

      5 բակային ճանապարհների ասֆալտաապտում:

Աղյուսակ  3.1.1 Համայնքի  2022-2027թթ. բյուջեների մուտքերի կանխատեսումը.                                                                         

                                                                                                                                           հազար դրամ

(*) Վարչական բյուջեի պահուստային ֆոնդից ֆոնդային բյուջե հատկացվող գումարը չի մտնում բյուջետային ընդհանուր եկամուտների մեջ

Աղյուսակ 4.1.2 Ծրագրի ծախսերն՝ ըստ ծախսերի տնտեսագիտական դասակարգման. 

Համայնքի սոցիալ-տնւոեսական զարգացման ծրագիրը հիմք է հանդիսանալու համայնքի տարեկան ծրագրերի և բյուջեների մշակման և կատարման աշխատանքները կազմակերպելիս:

Ելնելով Սպիտակ համայնքի սոցիալ-տնտեսական զարգացման ծրագրի ռազմավարությունից և ընդհանուր նպատակներից' շատ կարևոր է սեփական եկամուտների լրացուցիչ աղբյուրներ գտնելը, ֆինանսական միջոցների արդյունավետ հավաքագրման կազմակերպումն ու նպատակային օգտագործումը: 2022-2027թթ. համայնքային բյուջեները պետք է մշակել' որպես զարգացման ծրագրային բյուջեներ, որոնցով հնարավոր կլինի իրականացնել ինչպես ընթացիկ և հիմնական վերանորոգման աշխատանքներ, այնպես էլ սոցիալ-տնտեսական զարգացման տարբեր ծրագրեր:

Համայնքապետարանի բաժինները և ծառայությունները կմշակեն իրենց բնագավառի զարգացման կոնկրետ ծրագրեր, որոնք կարելի է ներկայացնել Հայաստանի Հանրապետության կառավարություն, Լոռու մարզպետարան: Լրացուցիչ ներդրումներ հայթայթելու նպատակով նախատեսվում է փնտրել ինվեստիցիաների նոր աղբյուրներ, ներգրավել գործարարների սեփական միջոցները, տարբեր սոցիալական հիմնադրամների ներդրումները:

     ՀԶՀԾ-ն հանդիսանալու է համայնքի գալիք տարիների գործունեության ուղեցույցը: 2022-2027 թթ. ընթացքում ՀԶՀԾ-ում ընդգրկված ծրագրերի իրականացմանն են ուղղված լինելու համայնքի ՏԻՄ-երի ջանքերն ու աշխատանքը' մոբիլիզացնելով համայնքի ֆինանսական, մարդկային և նյութական ռեսուրսների ողջ պոտենցիալը: ՀԶՀԾ-ի իրագործումը հնարավորություն կտա քայլ առ քայլ մոտենալ այն ցանկալի տեսլականին, որպիսին ցանկանում է տեսնել համայնքը նրա յուրաքանչյուր բնակիչ: ՀԶՀԾ-ում տեղ գտած դրույթները լինելու են այն ծրագրային հիմքը, որի վրա հենվելով կազմվելու է համայնքի յուրաքանչյուր տարվա բյուջեն: Ծրագիրը հաջողությամբ իրագործելու համար ՏԻՄ-երը պետք է սերտորեն և արդյունավետ համագործակցեն պետական կառույցների, միջազգային դոնոր կազմակերպությունների և այլ շահագրգիռ կողմերի և կառույցների հետ:

ՀԶՀԾ-ի իրականացման հսկողությունը և ներքին վերահսկողությունը կիրականացնեն համայնքի ղեկավարը և համայնքի ավագանին: ՀԶՀԾ-ի ներքին վերահսկողության արդյունքները կներկայացվեն համայնքի ավագանուն' ի գիտություն:

   Յուրաքանչյուր հաջորդ տարի կկատարվի ՀԶՀԾ-ի իրականացման նախորդ տարվա արդյունքների ուսումնասիրություն, ամփոփում, ձեռքբերումների        գնահատում և թերությունների բացահայտում: Նախորդ տարվա արդյունքների հիման վրա համապատասխան ուղղումներ և լրացումներ կկատարվեն մնացյալ տարիների ծրագրերում:

Հիմնվելով ՀԶՀԾ-ի իրականացման տարեկան հաշվետվության վերաբերյալ համայնքի ավագանու կայացրած որոշման վրա, ՀԶՀԾ-ի վերանայման անհրաժեշտության դեպքում, համայնքի ղեկավարը ՀԶՀԾ-ում փոփոխություններ ու լրացումներ կատարելու վերաբերյալ իր և (կամ) համայնքի ավագանու անդամներից ստացված բոլոր առաջարկությունները ներկայացնում է համայնքի ավագանու քննարկմանը և հաստատմանը:

Համայնքի ավագանու անդամի (անդամների) առաջարկած այն փոփոխությունները և (կամ) լրացումները, որոնք ավելացնում են ՀԶՀԾ իրականացման ծախսերը, համայնքի ավագանու որոշմամբ ընդունվում են միայն համայնքի ղեկավարի եզրակացության առկայությամբ և ավագանու նիստին ներկա անդամների ձայների երկու երրորդով:

ՀԶՀԾ-ի փոփոխությունները և (կամ) լրացումները, ավագանու հաստատումից հետո, հրապարակվում են ՀՀ օրենսդրությամբ սահմանված կարգով: