Զեկ. ԱՆԱՀԻՏ ԳՅՈՒԼԱԶՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 25-րդ կետով, համաձայն Հայաստանի Հանրապետության քաղաքացիական օրենսգրքի 892-րդ հոդվածի, հիմք ընդունելով Հայաստանի Հանրապետության տարածքային կառավարման և ենթակառուցվածքների նախարարի դիրքորոշումը՝ Սպիտակ համայնքի ավագանին որոշում է.

1. Համաձայնություն տալ Սպիտակ համայնքի ու «Շտիգեն» սահմանափակ պատասխանատվությամբ ընկերության միջև կնքված Սպիտակ համայնքի կարիքների համար արևային ֆոտովոլտային կայանների կառուցման աշխատանքների կատարման գնման թիվ ՀՀ ԼՄՍՀ-ԳՀԱՇՁԲ-20/37 պայմանագրի շրջանակներում ֆակտորինգային միջոցներ ներգրավելուն:

2. Համաձայնություն տալ Սպիտակ համայնքի ու «ԲԻՈՆԻԿ» սահմանափակ պատասխանատվությամբ ընկերության միջև կնքված Սպիտակ համայնքի կարիքների համար Մուրացան փողոցի, Այգեստան 2, Հարավ Արևմտյան, Իտալական, Շվեյցարական թաղամասերի փողոցային լուսավորության համակարգերի կառուցման աշխատանքների կատարման գնման թիվ ՀՀ ԼՄՍՀ-ՀԲՄ-ԱՇՁԲ-20/21-1 պայմանագրի շրջանակներում ֆակտորինգային միջոցներ ներգրավելուն:

3. Համաձայնություն տալ Սպիտակ համայնքի ու «ԳԵՎՏԱՆԻՔ» սահմանափակ պատասխանատվությամբ ընկերության միջև կնքված Սպիտակ համայնքի կարիքների համար Թորոսյան 21 բազմաբնակարան շենքի էներգախնայողության և էներգաարդյունավետության բարձրացմանն ուղղված աշխատանքների կատարման գնման թիվ ՀՀ ԼՄՍՀ-ԲՄԱՇՁԲ-20/20-3 պայմանագրի շրջանակներում ֆակտորինգային միջոցներ ներգրավելուն:

4. Սույն որոշման 1-ին, 2-րդ և 3-րդ կետերում նշված պայմանագրերից բխող պահանջի իրավունքի զիջման(ֆակտորինգի) դեպքում ստանձնել 9 (ինը) տոկոսի չափով ֆակտորինգի միջնորդավճարի վճարման պարտավորությունը: