Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, 59-րդ հոդվածի 1-ին մասի 3-րդ կետով, Հայաստանի Հանրապետության կառավարության 2005 թվականի դեկտեմբերի 29-ի թիվ 2387-Ն որոշմամբ հաստատված կարգի 29-րդ կետի 3-րդ ենթակետով, 50-րդ, 58-րդ և 60-րդ կետերով, հիմք ընդունելով անշարժ գույքի սեփականության (օգտագործման) իրավունքի գրանցման թիվ N 1397784 վկայականը, Կադաստրի կոմիտեի կողմից անշարժ գույքի հասցեավորման հայտի հաստատումը (քաղվածք՝ 06030AMEP8VR) և «Հայաստանի Հանրապետության Լոռու մարզի Գոգարանի միջնակարգ դպրոց» ՊՈԱԿ-ի տնօրեն Հրանտ Ժորայի Նիկողոսյանի դիմումը՝ որոշում եմ.
1. Հայաստանի Հանրապետությանն օգտագործման իրավունքով պատկանող՝ 06-030-0011-0016 կադաստրային ծածկագրով 0,62 հեկտար մակերեսով հողամասին և դրա վրա գտնվող 1469 քառակուսի մետր մակերեսով դպրոցին, 72,80 քառակուսի մետր մակերեսով կաթսայատանը և ցանկապատին տրամադրել «Սպիտակ համայնք, գ. Գոգարան, 6-րդ փողոց, 4 դպրոց» հասցեն (փոստային դասիչը՝ 1809):
2. Սույն որոշման 1-ին կետով տրամադրված հասցեն ենթակա է պետական գրանցման: