Ղեկավարվելով ՀՀ Աշխատանքային օրենսգրքի 223-րդ հոդվածի 1-ին կետի 1-ին ենթակետով, հիմք ընդունելով Սպիտակի քաղաքապետարանի աշխատակազմի աշխատանքային կարգապահական ներքին կանոնակարգի 12-րդ կետի 1-ին ենթակետը, հաշվի առնելով Վ․ Սահակյանի կողմից 08 հուլիսի 2021թ-ի թիվ 034/28-1027 և 15 հուլիսի 2021թ-ի թիվ 034/28-1071 գրություններով ներկայացրած գրավոր բացատրությունները՝ որոշում եմ․
1․ Սպիտակի համայնքի ղեկավարի տեղակալ Վարդան Գառնիկի Սահակյանի նկատմամբ, 2021թ-ի հուլիսի 7-ին ժամը 14։00-ից մինչև 15։10-ը աշխատանքի վայրից առանց համայնքի ղեկավարի պաշտոնակատարին տեղեկացնելու բացակայելու համար կիրառել նկատողություն կարգապահական տույժը։
2․ Սույն որոշումը ուժի մեջ է մտնում ստորագրման պահից։
3․ Սույն որոշումը ուժի մեջ մտնելուց հետո հանձնել հասցեատիրոջը՝ Վ․ Սահակյանին, առձեռն կամ պատվիրված փոստով՝ ստանալու մասին ծանուցմամբ։