Ղեկավարվելով Հայաստանի Հանրապետության հողային օրենսգրքի 76-րդ հոդվածով, «Տեղական ինքնակառավարման մասին» Հայաստանի Հանրապետության օրենքի 43-րդ հոդվածի 1-ին մասի 3-րդ կետով, Հայաստանի Հանրապետության կառավարության 2001 թվականի ապրիլի 12-ի թիվ 286 որոշմամբ հաստատված կարգի 46-րդ կետի «ա» ենթակետով, հիմք ընդունելով Հայաստանի Հանրապետության Լոռու մարզի Սպիտակ համայնքի ավագանու 2024 թվականի սեպտեմբերի 10-ի թիվ 120-Ա որոշումը, անշարժ գույքի նկատմամբ իրավունքների պետական գրանցման թիվ 19062024-06-0001 վկայականը, Սպիտակ համայնքին սեփականության իրավունքով պատկանող և Սպիտակ համայնքի վարչական սահմաններում գտնվող՝ պետության սեփականություն հանդիսացող հողամասերը վարձակալության և կառուցապատման իրավունքով տրամադրելու նպատակով ստեղծված մրցույթային հանձնաժողովի 2025 թվականի հունվարի 16-ի թիվ 1/1-1 արձանագրությունը՝ որոշում եմ․

1․ Սպիտակ համայնքի Ջրաշեն բնակավայրի վարչական տարածքում գտնվող, Սպիտակ համայնքի սեփականություն հանդիսացող, 06-095-0246-0039 կադաստրային ծածկագրով 0,273 հեկտար մակերեսով գյուղատնտեսական նպատակային նշանակության 4-րդ կարգի արոտավայր հողատեսքի հողամասը՝ 4 400 (չորս հազար չորս հարյուր) ՀՀ դրամ տարեկան վարձավճարով, 25 տարի ժամկետով, վարձակալության իրավունքով, տրամադրել մրցույթում հաղթող ճանաչված Մանվել Իլյայի Սահակյանին (ծնված՝ 10․10․1953թ․)։

2․ Մանվել Իլյայի Սահակյանի հետ կնքել հողամասի վարձակալության պայմանագիր, որից ծագող իրավունքը ենթակա է պետական գրանցման։

3․ Աշխատակազմի ֆինանսատնտեսագիտական, եկամուտների հաշվառման և հավաքագրման, գնումների, գովազդի, առևտրի և սպասարկման բաժնին՝ սահմանված կարգով և ժամկետներում ապահովել տարեկան վարձավճարների գանձումը։

4․ Աշխատակազմի քաղաքաշինության, հողաշինության, գյուղատնտեսության, կոմունալ սպասարկման և տրանսպորտի բաժնի պետ Ե․Գրիգորյանին՝ սահմանված կարգով փոփոխություն կատարել համայնքի հողային հաշվեկշռում: