Ղեկավարվելով Հայաստանի Հանրապետության հողային օրենսգրքի 3-րդ հոդվածի 1-ին կետով, «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» ՀՕ-397-Ն օրենքի 2-րդ հոդվածի 2-րդ մասով, «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, 59-րդ հոդվածի 1-ին մասի 3-րդ կետով, Հայաստանի Հանրապետության կառավարության 2006 թվականի մայիսի 18-ի թիվ 731-Ն որոշմամբ, Հայաստանի Հանրապետության կառավարության 2006 թվականի մայիսի 18-ի թիվ 912-Ն որոշմամբ հաստատված կարգի 33-րդ կետով, 43․1-ին կետով, Հայաստանի Հանրապետության կառավարության դեկտեմբերի 29-ի թիվ 2387-Ն որոշմամբ հաստատված կարգի 29-րդ կետի 1-ին ենթակետով, 50-րդ և 58-րդ կետերով, հաշվի առնելով, որ Սպիտակ համայնքի սեփականություն հանդիսացող` Արևաշող բնակավայրում գտնվող, բնակավայրերի նպատակային նշանակության 06-021-0026-0001 կադաստրային ծածկագրով հողամասից առանձնացված 0,1689 հեկտար մակերեսով հասարակական կառուցապատման գործառնական նշանակության հողամասի վրա 2012 թվականին անհայտ անձի կողմից կառուցված 140,93 քառակուսի մետր մակերեսով ինքնակամ մանկապարտեզի, 31,79 քառակուսի մետր մակերեսով ինքնակամ մանկապարտեզի, 146,46 քառակուսի մետր մակերեսով ինքնակամ մանկապարտեզի, 87,60 քառակուսի մետր մակերեսով ինքնակամ շինության, 2,20 քառակուսի մետր մակերեսով ինքնակամ շինության, 2,56 քառակուսի մետր մակերեսով ինքնակամ զուգարանի, 44,39 քառակուսի մետր մակերեսով ծածկի, 192,96 քառակուսի մետր մակերեսով հարթակի, 24,67 քառակուսի մետր մակերեսով պարսպի և 8,86 քառակուսի մետր մակերեսով պարսպի պահպանումը չի խախտում այլ անձանց իրավունքները և օրենքով պահպանվող շահերը, վտանգ չեն սպառնում քաղաքացիների կյանքին ու առողջությանը, կառուցված չեն քաղաքաշինական նորմերի ու կանոների էական խախտումներով և չեն առաջացնում հարկադիր սերվիտուտ պահանջելու իրավունք, հողամասն ընդգրկված չէ Հայաստանի Հանրապետության հողային օրենսգրքի 60-րդ հոդվածով նախատեսված սահմանափակումների ցանկում, հիմք ընդունելով ՌԻԳ ՍՊԸ-ի կողմից տրամադրված եզրակացությունը, «Անահիտ Մնացականյան» ԱՁ-ի կողմից տրված անշարժ գույքի չափագրման հաշվետվությունը, հաշվառման (չափագրման) տվյալների մուտքագրման տեղեկանքը (ծածկագիր 2023CJKBPD) և Կադաստրի կոմիտեի կողմից անշարժ գույքի բաժանումից կամ միավորումից առաջացող հասցեի հայտի հաստատումը (քաղվածք՝ 06999HFLCU88)՝ որոշում եմ.

1․ Սպիտակ համայնքի Արևաշող բնակավայրում գտնվող, բնակավայրերի նպատակային նշանակության 06-021-0026-0001 կադաստրային ծածկագրով հողամասից առանձնացված 0,1689 հեկտար մակերեսով հասարակական կառուցապատման գործառնական նշանակության հողամասի վրա 2012 թվականին անհայտ անձի կողմից կառուցված 140,93 քառակուսի մետր մակերեսով ինքնակամ մանկապարտեզը, 31,79 քառակուսի մետր մակերեսով ինքնակամ մանկապարտեզը, 146,46 քառակուսի մետր մակերեսով ինքնակամ մանկապարտեզը, 87,60 քառակուսի մետր մակերեսով ինքնակամ շինությունը, 2,20 քառակուսի մետր մակերեսով ինքնակամ շինությունը, 2,56 քառակուսի մետր մակերեսով ինքնակամ զուգարանը, 44,39 քառակուսի մետր մակերեսով ծածկը, 192,96 քառակուսի մետր մակերեսով հարթակը, 24,67 քառակուսի մետր մակերեսով պարիսպը և 8,86 քառակուսի մետր մակերեսով պարիսպը ճանաչել օրինական։

2․ Սույն որոշման 1-ին կետում նշված անշարժ գույքի նկատմամբ ճանաչել Սպիտակ համայնքի սեփականության իրավունքը։

3․ Հաստատել Սպիտակ համայնքի Արևաշող բնակավայրում գտնվող 06-021-0026-0001 կադաստրային ծածկագրով հողամասից առանձնացված 0,1689 հեկտար մակերեսով բնակավայրերի նպատակային նշանակության հասարակական կառուցապատման գործառնական նշանակության հողամասի հատակագիծը։

4․ Սույն որոշման 1-ին կետում նշված անշարժ գույքին տրամադրել «Սպիտակ համայնք, գյուղ Արևաշող, 10-րդ փողոց, 17/1 մանկապարտեզ» հասցեն (փոստային դասիչ՝ 1807)։

5․ Սույն որոշումը տրամադրել Կադաստրի կոմիտե՝ սահմանված կարգով պետական գրանցում կատարելու համար։

6․ Սույն որոշման կատարման կազմակերպումը և հսկողությունը դնել աշխատակազմի քաղաքաշինության, հողաշինության, գյուղատնտեսության, կոմունալ սպասարկման և տրանսպորտի բաժնի պետ Երեմ Գրիգորյանի վրա: