Ղեկավարվելով Հայաստանի Հանրապետության Հողային օրենսգրքի 3-րդ հոդվածի 1-ին կետով, «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, Հայաստանի Հանրապետության կառավարության 2005 թվականի դեկտեմբերի 29-ի թիվ 2387-Ն որոշմամբ հաստատված կարգի 29-րդ կետի 1-ին ենթակետով, 50-րդ, 58-րդ և 60-րդ կետերով, Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն թիվ 1 հավելվածի 24-րդ կետի 3-րդ ենթակետով և 4-րդ ենթակետի «ա» պարբերությամբ, հաշվի առնելով, որ հողամասի վրա առկա է Արմինե Դարչինյանին սեփականության իրավունքով պատկանող հասարակական նշանակության շինության՝ խանութից 4,9 քառակուսի մետր մակերեսով հատված (անշարժ գույքի նկատմամբ իրավունքների պետական գրանցման թիվ 03102022-06-0042 վկայական), հիմք ընդունելով Հայաստանի Հանրապետության քաղաքաշինության կոմիտեի նախագահի 2024 թվականի հոկտեմբերի 10-ի թիվ 01/11․1/15500-2024 գրությունը, Հայաստանի Հանրապետության կադաստրի կոմիտեի ղեկավարի 2024 թվականի հոկտեմբերի 4-ի թիվ ՍԹ/16362-2024 գրությունը, Հայաստանի Հանրապետության Լոռու մարզպետի 2024 թվականի հոկտեմբերի 16-ի թիվ 01/111․3/08418-2024 գրությունը, Կադաստրի կոմիտեի կողմից անշարժ գույքի հասցեավորման հայտի հաստատումը (քաղվածք՝ 060113ZMJMSS)՝ որոշում եմ.

1. Սպիտակ համայնքի վարչական տարածքում գտնվող, Սպիտակ համայնքին սեփականության իրավունքով պատկանող, բնակավայրերի նպատակային նշանակության 06-006-1019-0001 կադաստրային ծածկագրով հողամասից առանձնացված 0,00049 հեկտար մակերեսով, ընդհանուր օգտագործման գործառնական նշանակության հողամասի գործառնական նշանակությունը փոփոխել հասարակական կառուցապատման գործառնական նշանակության։

2. Սպիտակ համայնքի վարչական տարածքում գտնվող, բնակավայրերի նպատակային նշանակության 06-006-1019-0001 կադաստրային ծածկագրերով հողամասից առանձնացված 0,00049 հեկտար մակերեսով հասարակական կառուցապատման գործառնական նշանակության հողամասին տրամադրել «Սպիտակ համայնք, Սպիտակ ք․, Ս․Ավետիսյան փողոց, 3-րդ նրբանցք, 2» (փոստային դասիչը՝ 1801)։

3. Սույն որոշման 1-ին կետով կատարված փոփոխությունը և տրամադրված հասցեն ենթակա են պետական գրանցման:

4. Սույն որոշման կատարման հսկողությունը դնել աշխատակազմի քաղաքաշինության, հողաշինության, գյուղատնտեսության, կոմունալ սպասարկման և տրանսպորտի բաժնի պետ Ե․Գրիգորյանի վրա։