| Նախագծի քննարկման արձանագրությունը |
|
|
|
Զեկուցողը՝ աշխատակազմի ֆինանսական և եկամուտների հավաքագրման բաժնի պետ Հ.Միրզոյանը մանրամասն ներկայացրեց Սպիտակի համայնքի 2013թ. բյուջեի 3-րդ եռամսյակի կատարման արդյունքները:
Նշեց, որ 3-րդ եռամսյակի կտրվածքով բյուջեն եկամուտների գծով կատարվել է 98,99%-ով, այդ թվում՝ սեփական եկամուտները՝ 97,13%-ով, պաշտոնական դրամաշնորհների գծով եկամուտները՝ 99,99%-ով, ՔԿԱԳ-ի ծախսերի ֆինանսավորման համար ստացվող միջոցները փաստացի կատարվել են 48%ով: Ծախսերի գծով կատարվել է 84,49%-ով: Այնուհետև զեկուցողը ներկայացրեց վարչական բյուջեի եկամուտների կատարողականը, որը 9 ամսվա կտրվածքով կազմել է 98,93%: Սեփական եկամուտների կատարողականը կազմել է 96,77%: Հ. Միրզոյանը նշեց նաև, որ հողի հարկի գծով եկամուտների կատարողականը կազմել է 110,88%, գույքահարկի գծով՝ 96,75%, պետական տուրքերի գծով՝ 92,07 %, տեղական տուրքերի գծով՝ բյուջեն կատարվել է 89,23%-ով, այլ եկամուտների գծով այն կատարվել է 99,84 %-ով:
Զեկուցողը, նշելով ֆոնդային բյուջեի եկամուտների մասին, փաստեց, որ այն կատարվել է 101,65%-ով : Նա անդրադարձավ նաև վարչական բյուջեի և ֆոնդային բյուջեի ծախսերին: Վարչական բյուջեի ծախսերի կատարողականը 9 ամսվա կտրվածքով կազմել է 85,12%, ֆոնդային բյուջեի ծախսերը՝ 80,94%:
Զեկուցողին հարցեր տվեցին համայնքի ավագանու անդամներ Համլետ Պողոսյանը, Մանվել Խոյեցյանը:
Համայնքի ավագանու անդամները առաջարկեցին հաստատել ներկայացված որոշման նախագիծը:
|
|
|
|