Ղեկավարվելով Հայաստանի Հանրապետության հողային օրենսգրքի 3-րդ հոդվածի 2-րդ և 3-րդ կետերով, 67-րդ հոդվածով, «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, հիմք ընդունելով անշարժ գույքի նկատմամբ իրավունքների պետական գրանցման թիվ 24052022-06-0041 վկայականը՝ Հայաստանի Հանրապետության Լոռու մարզի Սպիտակ համայնքի ավագանին որոշում է. 1․ Համաձայնություն տալ Սպիտակ համայնքի սեփականություն հանդիսացող «Սպիտակ, գյուղ Ջրաշեն 8-րդ փողոց 32/3 հողամաս» հասցեում գտնվող 06-095-0268-0022 կադաստրային ծածկագրով 0,19 հեկտար մակերեսով բնակավայրերի նպատակային նշանակության գյուղատնտեսական արտադրական օբյեկտների հասարակական կառուցապատման գործառնական նշանակության հողամասը, հանդիսությունների սրահ կառուցելու նպատակով, աճուրդով օտարելուն։
2․ Հողամասի աճուրդով օտարման մեկնարկային գին սահմանել 1 504 800,00 ՀՀ դրամ (1 քառակուսի մետրը 792 ՀՀ դրամ)։
3․ Աճուրդում հաղթող ճանաչված մասնակցից համայնքի բյուջե գանձել հողամասի չափագրման և պետական գրանցման ծախսերը։ |