Ղեկավարվելով «Հայաստանի Հանրապետության տեղական ինքնակառավարման մասին» Հայաստանի Հանրապետության օրենքի 38-րդ հոդվածի 1-ին մասի 7-րդ կետով, 47-րդ հոդվածի 1-ին մասի 4-րդ կետով, հաշվի առնելով համայնքապետարանի աշխատակազմի մշակույթի, կրթության, սպորտի, երիտասարդության և տուրիզմի բաժնի առաջատար մասնագետ Լ․ Գրիգորյանի զեկուցագիրը, Սպիտակ համայնքի ղեկավարի 2025 թվականի հոկտեմբերի 23-ի N 1046 որոշմամբ հաստատված «Սպիտակ համայնքի ղեկավարի շախմատի առաջնություն-2025» մրցաշարի կանոնադրության համաձայն՝ 1-ին, 2-րդ և 3-րդ հորիզոնականներ զբաղեցրած և «50+» տարիքի լավագույն երեք արդյունք ցուցաբերած մասնակիցներին դրամական պարգևատրման նպատակով՝ որոշում եմ.

1. Սպիտակ համայնքի 2025 թվականի բյուջեի «Հանգստի և սպորտի ծառայություններ» գործառական դասակարգման «Կրթական, մշակութային և սպորտային նպաստներ բյուջեից (սպորտային պարգևներ)» 4727 տնտեսագիտական հոդվածից հատկացնել 540 000 ՀՀ դրամ:
2. Աշխատակազմի ֆինանսատնտեսագիտական, եկամուտների հաշվառման և հավաքագրման, գնումների, գովազդի, առևտրի և սպասարկման բաժնին` ապահովել սույն որոշման կատարումը: