Համաձայն «Գնումների մասին» Հայաստանի Հանրապետության օրենքի 23-րդ հոդվածի 1-ին մասի 2-րդ կետի, հաշվի առնելով, որ Սպիտակ համայնքի կարիքների համար աղբի հավաքման և փոխադրման ծառայությունների ձեռքբերման նպատակով կազմակերպված ՀՀ ԼՄՍՀ-ԳՀԾՁԲ-23/1 ծածկագրով գնման ընթացակարգը հայտարարվել է հայտերի ներկայացման վերջնաժամկետի խախտմամբ, որի արդյունքում 2023 թվականի հունվարի 23-ին կնքված Սպիտակ համայնքի կարիքների համար աղբի հավաքման և փոխադրման ծառայությունների մատուցման գնման թիվ ՀՀ ԼՄՍՀ-ԳՀԾՁԲ-23/1-1 և ՀՀ ԼՄՍՀ-ԳՀԾՁԲ-23/1-2 պայմանագրերը 2023 թվականի փետրվարի 16-ին Սպիտակ համայնքի կողմից միակողմանի լուծվելու են, գնման այլ ձևերի կիրառումը ժամկետի առումով անհնար է, որովհետև մինչև Հայաստանի Հանրապետության օրենսդրությամբ սահմանված կարգով աղբի հավաքման և փոխադրման ծառայությունների իրականացման համար անհրաժեշտ ապրանքների ձեռքբերման գնման ընթացակարգը կազմակերպելու և պայմանագիր կնքելու համար անհրաժեշտ ժամկետի լրանալը համայնքում աղբի հավաքման և փոխադրման ծառայությունները չիրականացնելը կհանգեցնի հակասանիտարական վիճակի և համաճարակների տարածմանը՝ Հայաստանի Հանրապետության Լոռու մարզի Սպիտակ համայնքի ավագանին որոշում է․

1․ Համաձայնություն տալ Սպիտակ համայնքի կարիքների համար աղբի հավաքման և փոխադրման ծառայությունների մատուցումը մեկ անձից գնում կատարելու միջոցով ձեռք բերելուն` մինչև 2023 թվականի մարտի 23-ը ներառյալ։