Օրակարգում
1․ Ընթացիկ գարնանային աշխատանքների վերաբերյալ
2․ Համայնքի սանիտարական մաքրման աշխատանքների վերաբերյալ
3․ Ֆիզիկական անձանց եկամտահարկի տարեկան հայտարարագրերի ներկայացման գործընթացի կազմակերպման վերաբերյալ
4․ Կարգապահական հարցեր
Խորհրդակցության ընթացքը
Լսեցին- Աշխատակազմի քարտուղար Ազգանուշ Ֆրանգյանը ներկայացրեց Ընթացիկ գարնանային աշխատանքների վերաբերյալ հարցը։ Բնակավայրերի տեխնիկական աշխատողներին (հավաքարարներ, բանվորներ) հորդորեց մինչև հողային աշխատանքների մեկնարկը կատարել ոռոգման ցանցերի մաքրման և ընթացիկ այլ անհրաժեշտ աշխատանքներ։ Պարտականություններին մոտենալ բարեխիղճ կերպով, խիստ ուշադրություն դարձնել բնակավայրերի սանիտարական մաքրմանը։ Այն բնակավայրերում, որտեղ կան ասֆալտապատ փողոցներ, աշխատակազմի քարտուղարը վարչական ղեկավարներին առաջարկեց սանմաքրման աշխատանքների կազմակերպումն իրականացնել հնարավորինս կարճ ժամկետներում և առաջացած աղբի խոշոր կույտերը հեռացնելուց հետո տեղեկացնել ՍԲԵՍԳ-ին, որպեսզի ջրցան մեքենայով իրականացվեն նաև փողոցների ջրով մաքրման աշխատանքներ։
Ա. Ֆրանգյանը վարչական ղեկավարներին կրկին հիշեցրեց ֆիզիկական անձանց եկամտահարկի տարեկան հայտարարագրերի ներկայացման գործընթացի կազմակերպման վերաբերյալ, հորդորեց սահմանված ժամկետից չուշացնել։
Աշխատակազմի քարտուղարը հորդորեց խիստ ուշադրություն դարձնել աշխատակիցների կողմից աշխատավայրից անհարգելի բացակայելու դեպքում բացակայության թերթիկների պարտադիր լրացմանը։
Քննարկվեցին նաև աշխատանքային կարգապահությանը վերաբերող և ընթացիկ այլ հարցեր։
Խորհրդակցության ընթացքում հնչեցին օրակարգին վերաբերող հարցեր, որոնց տրվեցին սպառիչ պատասխաններ։ |