Տեղեկացնում ենք, որ Եգիպտոսի Արաբական Հանրապետության մշակույթի նախարարությունը «Amesea Africa & Middle East for Education Through Art» ոչ կառավարական կազմակերպության հետ համատեղ պատրաստվում է երկրորդ անգամ անցկացնել «Կահիրեի միջազգային բիենալե երեխաների արվեստի համար» («The Cairo International Biennale for Children’s Arts») միջոցառումը, որի շրջանակներում հայկական կողմը հրավիրվում է մասնակցելու 2022թ. մայիսի երկրորդ կեսին տեղի ունենալիք «Նկար իմ երկրից» խորագրով բիենալեին։
Հայտնում ենք նաև, որ մասնակցության իրավունք ունեն 4-18 տարեկան երեխաները՝ հետևյալ տարիքային խմբերում. 4-5, 6-9, 10-13, 14-18 տարեկան երեխաներ, ինչպես նաև՝ մինչև 18 տարեկան հատուկ կարիքներ ունեցող բոլոր երեխաները։ Մասնակցության վերաբերյալ մանրամասներին ծանոթանալու և մասնակցության համար գրանցվել հնարավոր է http://cairoibca.com կայքում։