Սպիտակի համայնքապետարանը տեղեկացնում է, որ Ազգային ժողովրդավարության ինստիտուտը (NDI)՝ Միացյալ Թագավորության կառավարության ֆինանսավորմամբ և ՕքսԵՋեն հիմնադրամի համագործակցությամբ, իրականացնում է ԿԱՏԱՐԻՆԵ թեկնածուների ակադեմիա 2025 ծրագիրը։ Ծրագիրը նախատեսված է Հայաստանում բնակվող կանանց համար, ովքեր ցանկանում են ստանձնել առաջնորդական դերեր քաղաքականության մեջ, զարգացնել հաղորդակցական և կառավարման հմտությունները, ընդլայնել մասնագիտական կապերը և պատրաստվել 2026 թ․ ՏԻՄ և համապետական ընտրություններին։ Դիմել կարող են բոլոր հետաքրքրված կանայք, սակայն առաջնահերթությունը կտրվի կուսակցությունների անդամներին և առաջիկա ընտրություններին մասնակցելու մտադրություն ունեցողներին։ Ծրագիրը հնարավորություն է տալիս՝
• մասնակցել ինտենսիվ դասընթացների հաղորդակցության, հանրային խոսքի, քարոզարշավների և ընտրողների ներգրավման թեմաներով,
• շփվել հայ և օտարերկրյա փորձագետների, քաղաքական առաջնորդների հետ,
• միանալ ԿԱՏԱՐԻՆԵ շրջանավարտների ամուր ցանցին՝ Հայաստանի տարբեր համայնքներից։
Դիմելու վերջնաժամկետը՝ հոկտեմբերի 20, 2025 թ․, ժամը 23:59։
Դիմելու հղումը՝ https://forms.gle/v4LSPZjXPA83KoS6A
Լրացուցիչ տեղեկությունների համար կարող եք այցելել ծրագրի ֆեյսբուքյան էջը՝ Katarine Armenia