Տեղեկացնում ենք, որ ՀՀ կառավարության 2021 թ. նոյեմբերի 18-ի N 1902-Լ որոշման «Հայաստանի Հանրապետության կառավարության 2021-2026 թվականների գործունեության միջոցառումների ծրագրի» համաձայն` ՀՀ ԿԳՄՍ նախարարության խորհրդատվական համակարգմամբ 2022թ. գործում է «Հայաստանի Հանրապետության ոչ նյութական մշակութային ժառանգություն» նորացված շտեմարանը (www.int-heritage.am): Դրա հիմնական նպատակն է ՀՀ ոչ նյութական մշակութային ժառանգության ոլորտի, ՅՈՒՆԵՍԿՕ-ի հետ իրականացվող ծրագրերի և գրանցված ոչ նյութական մշակութային ժառանգության արժեքների պահպանության գործընթացների հանրայնացումը:
Շտեմարանը ձևավորվել է նոր դիզայներական լուծումներով և համալրվել բաժիններով, որոնցում պարբերաբար ներկայացվում են ոլորտին առնչվող իրադարձություններն ու հայտարարությունները, գիտական հոդվածները, հրապարակումները, օրենսդրությունը և այլ նյութեր: Այս համատեքստում ոչ նյութական մշակութային ժառանգությունը կարևորվում է որպես ՀՀ համայնքների, խմբերի, որոշ դեպքերում առանձին անձանց կողմից որպես իրենց մշակութային ժառանգության մաս ճանաչված, կենցաղում հաստատուն տեղ զբաղեցնող սովորույթների, ավանդույթների, ծեսերի, պատկերացումների ու արտահայտման ձևերի, գիտելիքների ու հմտությունների ամբողջություն: