Տեղեկացնում ենք, որ ՀՀ ԱՆ «Ակադեմիկոս Ս.Ավդալբեկյանի անվան առողջապահության ազգային ինստիտուտ» ՓԲԸ-ն իրականացնում է «Հայաստանի համայնքներում ծխախոտի ծխից ազատ գոտիների ստեղծում. ռանդոմիզացված հետազոտություն» ծրագիրը:
Հայաստանում այն իրականացվում է առաջին անգամ և նպատակ է հետապնդում նպաստել համայնքներում ծխախոտի ծխից ազատ գոտիների ստեղծմանը և երկրորդային ծխի ազդեցության նվազեցմանը՝ ներգրավելով տեղական համայնքների ընտրված ներկայացուցիչներին և համայնքներում իրականացնելով կարողությունների զարգացման գործողություններ:
Ծրագրի արդյունավետության գնահատման նպատակով իրականացվելու է բնակչության շրջանում հետազոտություն՝ ծխախոտի օգտագործման և երկրորդային ծխի ազդեցության վերաբերյալ հարցման միջոցով:
Պատահականության սկզբունքով ընտրվել են հետևյալ 14 քաղաքներ 7 մարզից՝ Արարատ, Մասիս, Գորիս, Սիսիան, Եղեգնաձոր, Վայք, Հրազդան, Աբովյան, Սևան, Գավառ, Ստեփանավան, Սպիտակ, Իջևան, Դիլիջան: Ընտրված 14 քաղաքներում ս.թ. մայիս-հունիս ամիսների ընթացքում իրականացվելու է ծրագրի արդյունավետության գնահատում՝ օգտագործելով ստանդարտ հարցաթերթիկ: Հարցազրուցավարները նախօրոք վերապատրաստվել են ՀՀ ԱՆ «Ակադեմիկոս Ս.Ավդալբեկյանի անվան առողջապահության ազգային ինստիտուտ»-ի փորձագետների կողմից, և հարցազրույցը անցկացվելու է էլ. սարքերի (Ipad) միջոցով:
Հետազոտության հետ կապված հավելյալ տեղեկատվություն ստանալու համար կարող եք կապ հաստատել հետազոտության համակարգող՝ Արևիկ Թորոսյանի հետ հետևյալ հեռախոսահամարով՝ (+374)10 237134 կամ (+374) 98785585: