Սպիտակ համայնքի հարգելի բնակիչներ, 2008 թվականից ի վեր Բնության համաշխարհային հիմնադրամի (WWF) հայաստանյան մասնաճյուղի նախաձեռնությամբ Հայաստանում իրականացվում է աշխարհի ամենամեծ բնապահպանական շարժումը՝ «Երկրի ժամը», որը ոգեշնչում և միավորում է միլիոնավոր մարդկանց՝ Երկիր մոլորակի պահպանության համար լուծումներ գտնելու և միջոցներ ձեռնարկելու շուրջ։
Միջոցառմանը մասնակցում է ավելի քան 190 երկիր և 7000 քաղաք՝ մեկ ժամով անջատելով տվյալ երկրում խորհրդանիշ համարվող շենքերի, շինությունների, ինչպես նաև քաղաքների և բնակավայրերի հիմնական փողոցների լուսավորությունը։ Արդեն իսկ ակնհայտ կլիմայական ճգնաժամով պայմանավորված՝ 2023 թվականին բոլորս նոր շունչ ենք հաղորդելու շարժմանը՝ «Երկրի ժամը» դարձնելով երբևէ կազմակերպվածներից ամենամասշտաբայինը։ Այս տարի «Երկրի ժամը» ամբողջ աշխարհում անցկացվելու է մարտի 25-ին, ժամը՝ 20:30-21:30-ին:
Սպիտակ համայնքը միանում և աջակցում է շարժմանը և մարտի 25-ին, ժամը՝ 20:30-21:30-ին մեկ ժամով անջատելով հիմնական փողոցների և շենք-շինությունների արտաքին լուսավորությունը:
Միասին մեր մոլորակի համար կարող ենք անել ավելին։