Ձեզ ենք ներկայացնում «Դպրոցականների ֆիլհարմոնիա» կրթամշակութային ծրագիրը, որն իրականացնում է Հայաստանի պետական ֆիլհարմոնիան՝ ՀՀ ԿԳՄՍ նախարարության աջակցությամբ:
ՀՀ դպրոցահասակ երեխաների համար տարվա ընթացքում ամեն ուրբաթ՝ ժամը՝ 14։00-ին, անցկացվում են դաս-համերգներ, երաժշտական տարբեր ուղղություններ ներկայացնող երաժիշտների և երաժշտասերների կողմից բանախոսություններ ու վարպետության դասեր։
«Դպրոցականների ֆիլհարմոնիա» ծրագրի նպատակն է աշակերտներին ծանոթացնել արվեստագետների և նրանց ստեղծագործությունների հետ, անմիջական շփման միջոցով երեխաներին մոտեցնել որակյալ երաժշտությանը, նպաստել ընդհանուր զարգացմանը և խրախուսել առողջ հոբբիների ձևավորմանը։
Ինչպես մասնակցել
կրթամշակութային ծրագիրը նախատեսված է Երևանի և մարզերի հանրակրթական դպրոցների, մշակութային և երաժշտական հաստատությունների աշակերտների համար։
Քանի որ ծրագիրն իրականացվում է ՀՀ ԿԳՄՍ նախարարության աջակցությամբ, ոսուցիչները և երեխաները կարող են մասնակցել ծրագրին՝ որպես արտադասարանական պարապմունք։
Մասնակցությունը խրախուսվում է։
Բոլոր միջոցառումներին մասնակցությունն անվճար է, տևողությունը՝ մինչև 1 ժամ։