«Արեւելյան գործընկերության եվրոպական դպրոցը Վրաստանում» ծրագիրն ու Նոր դպրոցը (Թբիլիսի, Վրաստան)՝ Եվրոպական միության եւ Միջազգային բակալավրիատի աջակցությամբ, հայտարարում են Արեւելյան գործընկերության եվրոպական դպրոցի 2025-2027 ուսումնական տարիների կրթաթոշակների համար դիմումների ընդունման մասին։
Դիմելու իրավասություն ունեն Հայաստանից, Ադրբեջանից, Բելառուսից, Վրաստանից, Մոլդովայից եւ Ուկրաինայից այն ուսանողները, որոնք 2025 թվականի սեպտեմբերի 1-ի դրությամբ կլինեն 16-17 տարեկան։
Մրցութային ժյուրին կընտրի 25 մասնակից, ովքեր կստանան լիարժեք կրթաթոշակ Միջազգային բակալավրիատի (IB) դիպլոմային ծրագրում սովորելու համար: Ծրագիրը երիտասարդների առջեւ բացում է կարիերայի հնարավորություններ մի շարք ոլորտներում, ներառյալ՝ տնտեսագիտություն, կենսաքիմիա, ճարտարագիտություն, ֆիզիկա, սոցիալական գիտություններ, արվեստ եւ մշակույթ, հաղորդակցություն եւ մեդիա, միջազգային հարաբերություններ եւ գլոբալ հարաբերություններ, բժշկություն, իրավունք, ազատ արվեստներ եւ համակարգչային գիտություն:
Կրթաթոշակը ծածկում է ուսման վարձը, ինչպես նաեւ Թբիլիսիում կեցության եւ սննդի, դպրոցական արձակուրդների ժամանակ Թբիլիսիի եւ բնակության վայրի միջեւ երկկողմանի ճանապարհորդության, տեղական տրանսպորտի, բժշկական ապահովագրության, դասընթացների նյութերի եւ էքսկուրսիաների ծախսերը:
Դիմումների ներկայացման վերջնաժամկետը 2025 թվականի մարտի 31-ն է։
Եվրոպական միության (ԵՄ) կողմից ֆինանսավորվող «Արեւելյան գործընկերության եվրոպական դպրոց» ծրագիրը նպատակ ունի խթանել միջնակարգ կրթության հնարավորությունները ԵՄ Արեւելյան գործընկերության վեց երկրների ուսանողների համար: Ծրագիրը հաջողությամբ մեկնարկել է 2018 թվականին եւ գործում է արդեն վեցերորդ տարին:
2025-2027 ուսումնական տարիների կրթաթոշակառուների ցանկը կհրապարակվի 2025 թվականի հունիսի երկրորդ կեսին։
Իմացիր ավելին
Թբիլիսիի Արեւելյան գործընկերության եվրոպական դպրոց