Տեղեկացնում ենք, որ ՀՀ կառավարությունը սահմանել է նախադպրոցական տարիքի երեխաների առնվազն 85 տոկոսի ընդգրկվածության ապահովման թիրախ, ինչը նշանակում է, որ առաջիկա տարիներին նախադպրոցական ծառայության հասանելիություն պետք է ապահովել առնվազն 23100 երեխաների համար, որն իրագործելու նպատակադրումներից է նաև հանրապետության բազմաբնակավայր համայնքներում նախադպրոցական այլընտրանքային կրթական հաստատությունների ձևավորումը, որոնք հնարավորություն կընձեռեն մեծացնելու նախադպրոցական ծառայություններում ընդգրկված երեխաների թիվը՝ ապահովելով մատչելիություն հատկապես սոցիալապես անապահով ընտանիքների համար:
Նախատեսվում է, որ յուրաքանչյուր տարի պետության կողմից հատկացվող դրամաշնորհային միջոցների հաշվին 10 համայնքում (բնակավայրում) գտնվող կրթամշակութային, սպորտային, համայնքային, բնակելի կամ այլ նշանակության որևէ կառույցում կստեղծվեն նախադպրոցական կրթական ծառայությունների իրականացման համապատասխան պայմաններ:
Չնայած այն հանգամանքին, որ հանրապետության շուրջ 110 բնակավայրում նախադպրոցական որևէ ծառայություն չի մատուցվում, Կրթության, գիտության, մշակույթի և սպորտի նախարարության կողմից 2022 թվականի հունիսի 17-ին նախադպրոցական այլընտրանքային ծախսարդյունավետ մոդելների ներդրման նպատակով հայտարարված դրամաշնորհային մրցույթին մասնակցության հայտ որևէ համայնք չի ներկայացրել:
Հայտնում ենք նաև, որ կարևորելով նախադպրոցական ծառայության հասանելիությության ապահովումը բոլոր երեխաների համար՝ Կրթության, գիտության, մշակույթի և սպորտի նախարարությունը 2022 թվականի հուլիսի 19-ին ևս ՀՀ 2022 թվականի պետական բյուջեի` «1146. Հանրակրթության» ծրագրի «12008. Նախադպրոցական այլընտրանքային ծախսարդյունավետ մոդելների ներդրում» միջոցառման իրականացման շրջանակներում հայտարարել է դրամաշնորհային մրցույթ:
Մրցույթին մասնակցությանհայտերնանհրաժեշտէներկայացնել էլեկտրոնայինեղանակով` էլեկտրոնային armeps (www.armeps.am) համակարգիմիջոցով մինչև2022 թվականիօգոստոսի 8-ը, ժամը 12:00-ն: