Սպիտակ համայնքի (Սպիտակ, Արևաշող, Արջհովիտ, Գեղասար, Գոգարան, Լեռնանցք, Լեռնավան, Լուսաղբյուր, Խնկոյան, Ծաղկաբեր, Կաթնաջուր, Հարթագյուղ, Մեծ Պարնի, Նոր Խաչակապ, Շենավան, Շիրակամուտ, Ջրաշեն, Սարալանջ, Սարահարթ, Սարամեջ, Քարաձոր) հարգելի՛ բնակիչներ.

Սպիտակի համայնքապետարանը հորդորում է կատարել ձեր անշարժ գույքի հարկի, գույքահարկի (մինչև հարկային տարվա դեկտեմբերի 1-ը ներառյալ), վարձավճարների և տեղական վճարների պարտավորությունները, քանի որ hարկի վճարումը սահմանված ժամկետներից ուշացնելու դեպքում, համաձայն ՀՀ Հարկային օրենսգրքի 401-րդ հոդվածի 1-ին կետի ժամկետանց յուրաքանչյուր օրվա համար հարկ վճարողը կամ հարկային գործակալը վճարում է տույժ` 0.075 տոկոսի չափով: Ձեր կողմից ժամկետանց հարկային պարտավորությունները չկատարելու դեպքում այն կգանձվի օրենքով սահմանված կարգով:

Տեղեկացնում ենք նաև, որ ձեր կողմից հարկային պարտավորությունների և վարձավճարների բարեխիղճ և ժամանակին կատարումը նպաստում է համայնքային ծրագրերի առավել արդյունավետ իրականացմանը, ինչպես նաև ազատում է ձեզ ավել հարկային բեռից:

Պարտավորությունների վերաբերյալ տեղեկատվություն կարող եք ստանալ Սպիտակի համայնքապետարանից և բնակավայրերի վարչական ղեկավարների նստավայրերից։