Տեղեկացնում ենք, որ 1999 թվականից գործող Ճապոնական որակի ապահովման կազմակերպությունը (Japan Quality Assurance Organization/JQA) ՄԱԿ-ի մանկական հիմնադրամի՝ ՅՈՒՆԻՍԵՖ-ի Տոկիոյի գրասենյակի աջակցությամբ կազմնակերպում է միջացգային բնապահպանական թեմատիկայով մանկական նկարչական մրցույթ (JQA International Environmental Children’s Drawing Contest), որին մասնակցության նպատակով հայտերի ընդունման գործընթացն արդեն իսկ հասանելի է։
Այս տարի նշված մրցույթն անցկացվելու է «Passing on Our Precious Earth to the Future» խորագրի ներքո, որին կարող են մասնակցել 7-15 տարեկան երեխաները։
Մրցույթին մասնակցելու վերաբերյալ մանրամասն տեղեկատվությանը և հայտադիմումի ձևաչափին հնարավոր է ծանոթանալ հետևյալ հղումով՝ https://childrens-drawing.com/drawing/image/24flyerENG.pdf:
Հայտադիմումների ներկայացման վերջնաժամկետն է ս․թ․ մայիսի 31-ը։

   Տեղեկացնում ենք, որ ՀՀ կառավարության 2024 թվականի ապրիլի 12-ի թիվ 488-Ն որոշման (հղումը` http://www.arlis.am/DocumentView.aspx?DocID=191727) հավելված 2-ով Երևանի Մխիթար Հերացու անվան պետական բժշկական համալսարանում «Բուժական գործ» մասնագիտությամբ (դասիչը, ուսուցման ձևը` 091201.01.7) սահմանված է 37 նպատակային ուսուցման տեղեր: Մասնավորապես Արմավիրի, Արարատի, Արագածոտնի, Շիրակի, Գեղարքունիքի, Լոռու, Վայոց ձորի, Տավուշի և Սյունիքի մարզերին տրամադրվել է չորսական, իսկ Կոտայքի մարզին՝ մեկ տեղ: Վերոգրյալ մասնագիտությամբ 2024-2025թթ. ուսումնական տարվա առկա ուսուցմամբ անընդհատ և ինտեգրված կրթական ծրագրերով ընդունելության քննությունների նպատակային ուսուցման տեղերի մրցույթին մասնակցելու համար դիմորդները սահմանված կարգով` https://dimord.am կայքով հայտ ներկայացնելիս պետք է պարտադիր նշեն «Նպատակային ուսուցում» կոճակը: Նպատակային տեղերում ընդունված ուսանողները սովորում են անվճար և ուսումնառության ընթացքում ստանում են կրթաթոշակ: Նպատակային տեղերում ընդունված դիմորդները պայմանագիր են կնքելու ՀՀ առողջապահության նախարարության հետ, որի համաձայն ուսումն ավարտելուց և ինքնուրույն մասնագիտական գործունեություն իրականացնելու իրավունք ձեռք բերելուց հետո պարտավորվում են վերադառնալ մարզ, առնվազն 3 տարի ժամկետով աշխատել մարզի բժշկական կազմակերպություններում:

Ապրիլի 27-ին՝ ՀՀ Քաղաքացու օրվա առթիվ նախատեսվող միջոցառումների շրջանակում Լոռու մարզի համայնքներում կազմակերպվում է «Հայրենիքը պետությունն է: Սիրո՞ւմ ես հայրենիքդ՝ ուժեղացրու՛ պետությունդ» խորագրով հայրենաճանաչության, երիտասարդությանը հուզող թեմաներով բանախոսությունների շարք՝ 14-30 տարեկան երիտասարդների, հանրակրթական ուսումնական հաստատությունների բարձր դասարաններում սովորող աշակերտների մասնակցությամբ:
 Հանրային քննարկումների ընթացքում, որպես բանախոսներ, հանդես կգան պետական և համայնքային իշխանության ներկայացուցիչներ, պետականաշինության գործում ներդրում ունեցող, հասարակական ակտիվ գործունեություն ծավալող գործիչներ, կրթության, գիտության, տեխնոլոգիաների, սպորտի, մշակույթի բնագավառներում ակնհայտ հաջողություններ արձանագրած անձինք, ովքեր կներկայացնեն պետության, հայրենիքի, քաղաքացու մասին իրենց պատկերացումներն ու փորձառությունը, հարցուպատասխանի ձևաչափով իրենց հաջողություններով ու ձեռքբերումներով կկիսվեն քննարկումների մասնակիցների հետ՝ ոգեշնչելով, ոգևորելով երիտասարդներին։ 🎗 Քննարկումներին կհաջորդեն մշակութային միջոցառումներ տվյալ համայնքներում։
Սիրով հրավիրում ենք:
 Ապրիլի 27-ին՝ ՀՀ Քաղաքացու օրվա առթիվ միջոցառումները Սպիտակ համայնքում կանցկացվեն.
 «Սպիտակի մշակույթի տուն» ՀՈԱԿ-ում՝ 11։00-ին։

Ապրիլի 27-ին՝ ՀՀ Քաղաքացու օրվա առթիվ նախատեսվող միջոցառումների շրջանակում Լոռու մարզի համայնքներում կազմակերպվում է «Հայրենիքը պետությունն է: Սիրո՞ւմ ես հայրենիքդ՝ ուժեղացրու՛ պետությունդ» խորագրով հայրենաճանաչության, երիտասարդությանը հուզող թեմաներով բանախոսությունների շարք՝ 14-30 տարեկան երիտասարդների, հանրակրթական ուսումնական հաստատությունների բարձր դասարաններում սովորող աշակերտների մասնակցությամբ:
 Հանրային քննարկումների ընթացքում, որպես բանախոսներ, հանդես կգան պետական և համայնքային իշխանության ներկայացուցիչներ, պետականաշինության գործում ներդրում ունեցող, հասարակական ակտիվ գործունեություն ծավալող գործիչներ, կրթության, գիտության, տեխնոլոգիաների, սպորտի, մշակույթի բնագավառներում ակնհայտ հաջողություններ արձանագրած անձինք, ովքեր կներկայացնեն պետության, հայրենիքի, քաղաքացու մասին իրենց պատկերացումներն ու փորձառությունը, հարցուպատասխանի ձևաչափով իրենց հաջողություններով ու ձեռքբերումներով կկիսվեն քննարկումների մասնակիցների հետ՝ ոգեշնչելով, ոգևորելով երիտասարդներին։ Քննարկումներին կհաջորդեն մշակութային միջոցառումներ տվյալ համայնքներում։ Սիրով հրավիրում ենք:
 Ապրիլի 27-ին՝ ՀՀ Քաղաքացու օրվա առթիվ միջոցառումները Սպիտակ համայնքում կանցկացվեն.
 «Սպիտակի մշակույթի տուն» ՀՈԱԿ-ում՝ 11։00-ին։

«Շրջակա միջավայրի վրա ազդեցության գնահատման և փորձաքննության մասին» ՀՀ օրենքով (21.06.2014թ. Հ0-110-Ն), ինչպես նաև ՀՀ կառավարության 19.11.2014թ. N 1325-Ն որոշմամբ սահմանված կարգով համաձայն` 2024թ. ապրիլի 30-ին ժամը՝ 14:00-ին Լոռու մարզի Սպիտակ համայնքի Սարալանջ բնակավայրի վարչական շենքում տեղի կունենա «ՀՍԿԱ» ՓԲԸ-ի կողմից ներկայացված Լոռու մարզի Սպիտակ համայնքի Սարալանջի գաբրոների հանքերևակման տարածքում երկրաբանական ուսումնասիրությունների շրջակա միջավայրի վրա ազդեցության նախնական գնահատման հայտի վերաբերյալ հանրային քննարկում (2-րդ քննարկում): ՀՀ կառավարության 19.11.2014թ. N1325-Ն որոշման հավելվածով սահմանված ժամկետներում՝ հայտի վերաբերյալ առաջարկություններն ու դիտողությունները գրավոր կարող են ներկայացվել շրջակա միջավայրի նախարարություն՝ «Շրջակա միջավայրի վրա ազդեցության փորձաքննական կենտրոն» ՊՈԱԿ-ին: Փաստաթղթերին կարելի է ծանոթանալ շրջակա միջավայրի նախարարության պաշտոնական կայքում (www.env.am), ք. Երևան, Բուզանդի 1/3 հասցեում:

   Ձեզ ենք տրամադրում Հայրենական մեծ պատերազմի հաղթանակի 79-ամյակի կապակցությամբ «Красная Звезда» 8-րդ միջազգային մրցույթի մասնակցության պայմաններն ու ձևաթղթերը:
Մանրամասներին կարող եք ծանոթանալ կից ներկայացվող ձևաչափերում։
   Առդիր՝ էլ. նյութ։

   Տեղեկացնում ենք, որ արտադպրոցական ուսումնական հաստատությունների մանկավարժական աշխատողների կամավոր ատեստավորման հայտերի ընդունելություն ժամկետը երկարաձգվել է մինչև 2024 թվականի ապրիլի 27-ը` ժամը 18։00-ն։
2024 թվականից սկսած՝ ՀՀ կառավարության 2023 թվականի մարտի 2-ի «Պետական կամ համայնքային կազմակերպությունների արտադպրոցական ծրագրեր իրականացնող մանկավարժական աշխատողների կամավոր ատեստավորման և Հայաստանի Հանրապետության պետական բյուջեից լրավճարի տրամադրման կարգը սահմանելու մասին» N 269-Ն որոշման հավելվածով սահմանված կարգին համապատասխան՝ ատեստավորմանը կարող են մասնակցել նաև պետական և համայնքային մանկապատանեկան ստեղծագործական և գեղագիտական կենտրոններում, մշակույթի տներում դասավանդող մանկավարժական աշխատողները։
Ատեստավորմանը մասնակցելու համար մանկավարժական աշխատողները հայտերը ներկայացնում են Կրթության կառավարման տեղեկատվական համակարգի էլեկտրոնային մատյանում՝ https://at.emis.am/ հղմամբ և ստանում հաղորդագրություն՝ հայտն ընդունված լինելու վերաբերյալ:
Կամավոր ատեստավորման հայտարարության հղումն այստեղ՝ https://escs.am/am/news/21432:
Հայտերի լրացման մանրամասների վերաբերյալ հղումն այստեղ՝
• չաշխատող անձի համար - https://support.emis.am/article/910,
• մանկավարժական աշխատողների համար - https://support.emis.am/article/909։ Միաժամանակ հայտնում ենք նաև`
• երաժշտական, արվեստի, գեղարվեստի դպրոցների հետ կապված հարցերի պարզաբանման առնչությամբ անհրաժեշտ է կապ հաստատել ՀՀ ԿԳՄՍՆ ժամանակակից արվեստի վարչության պետի տեղակալ Լիլիա Նիկոյանի հետ (հեռ. 010 599 631),
• մարզադպրոցների հետ կապված հարցերի պարզաբանման առնչությամբ անհրաժեշտ է կապ հաստատել ՀՀ ԿԳՄՍՆ սպորտի քաղաքականության վարչության զանգվածային սպորտի և ֆիզիկական դաստիարակության բաժնի գլխավոր մասնագետ Էլլադա Հարությունյանի հետ (հեռ. 010 599 637),
• մանկապատանեկան ստեղծագործական և գեղագիտական կենտրոնների, մշակույթի տների և կենտրոնների հետ կապված հարցերի պարզաբանման առնչությամբ անհրաժեշտ է կապ հաստատել ՀՀ ԿԳՄՍՆ հանրակրթության վարչության հանրակրթության և արտադպրոցական կրթության քաղաքականության մշակման և վերլուծության բաժնի գլխավոր մասնագետ Արմինե Բարսեղյանի հետ (հեռ. 010 599 619):
Կից ներկայացվում է նաև 2024 թվականի արտադպրոցական ծրագրեր իրականացնող կենտրոնների, այդ թվում՝ մանկապատանեկան ստեղծագործական և գեղագիտական կենտրոնների, երաժշտական, արվեստի, գեղարվեստի դպրոցների մանկավարժական աշխատողների և մարզադպրոցների մարզիչ-մանկավարժների կամավոր ատեստավորման ուղղությունները։
    Առդիրը կցվում է։

 Սպիտակ համայնքին սեփականության իրավունքով պատկանող հողամասերի աճուրդի կազմակերպիչը հայտարարում է Սպիտակ համայնքի սեփականություն հանդիսացող հողամասի բաց դասական աճուրդ: Լոտ 1- Սպիտակ համայնքի վարչական տարածքում գտնվող 06-006-0536-0010 կադաստրային ծածկագրով գյուղատնտեսական նպատակային նշանակության 0,320098 հեկտար մակերեսով 4-րդ կարգի անջրդի վարելահող հողատեսքի հողամասը, գյուղատնտեսական գործունեությամբ զբաղվելու նպատակով։
Հողամասը գտնվում է Սպիտակ քաղաքի վարչական տարածքում։
Հողամասի աճուրդով օտարման մեկնարկային գինը 492 150,675 ՀՀ դրամ։ Աճուրդին մասնակցել ցանկացողները աճուրդի անցկացման օրը վճարում են նախավճար՝ 246 075,3375 ՀՀ դրամ (հողամասի մեկնարկային գնի 50%-ի չափով)։ Քայլի չափը սահմանել մեկնարկային գնի 5%-ի չափով՝ 24 607,53375 ՀՀ դրամ: Լոտ 2 - Սպիտակ համայնքի վարչական տարածքում գտնվող 06-006-0431-0015 կադաստրային ծածկագրով գյուղատնտեսական նպատակային նշանակության 0,07117 հեկտար մակերեսով վարելահող հողատեսքի հողամասը, գյուղատնտեսական գործունեությամբ զբաղվելու նպատակով։
Հողամասը գտնվում է Սպիտակ քաղաքի վարչական տարածքում։
Հողամասի աճուրդով օտարման մեկնարկային գինը 144 654 ՀՀ դրամ։ Աճուրդին մասնակցել ցանկացողները աճուրդի անցկացման օրը վճարում են նախավճար՝ 72 327 ՀՀ դրամ (հողամասի մեկնարկային գնի 50%-ի չափով)։ Քայլի չափը սահմանել մեկնարկային գնի 5%-ի չափով՝ 7232,7 ՀՀ դրամ: Աճուրդի կազմակերպման և անցկացման ընթացակարգին, պայմաններին, հողամասի հատակագծին, ճարտարապետահատակագծային առաջադրանքի պահանջներին, պայմանագրի տիպային օրինակին ծանոթանալու և հայտ ներկայացնելու համար դիմել Սպիտակի համայնքապետարան (Շահումյան 7, 2-րդ հարկ, 207 սենյակ): Հայտերի ընդունումը և մասնակիցների գրանցումը դադարեցվում է աճուրդի անցկացման օրվանից երեք աշխատանքային օր առաջ՝ 2024 թ. մայիսի 7-ին։ Աճուրդին մասնակցելու իրավունք ունեն ՀՀ քաղաքացիներն ու իրավաբանական անձինք և ՀՀ օրենսդրությամբ սահմանված հողի սեփականության իրավունքի այլ սուբյեկտներ և հողօգտագործողներ:
Աճուրդին մասնակցել ցանկացողները հայտին կից ներկայացնում են անձնագիր և աճուրդի մասնակցության վճարի անդորրագիր 10 000 ՀՀ դրամի չափով՝ վճարված Սպիտակի համայնքապետարանի 900245161410 հաշվեհամարին։ Հայտերն ընդունվում են աշխատանքային օրերին՝ ժամը 9.00-18.00 մինչև 2024թ. մայիսի 7-ը։
Աճուրդը կայանալու է 2024թ. մայիսի 10-ին ժամը 14։00-ին, Սպիտակի համայնքապետարանում (Շահումյան 7, 3-րդ հարկ, 310 սենյակ): 
ՍՊԻՏԱԿ ՀԱՄԱՅՆՔԻՆ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՊԱՏԿԱՆՈՂ ԵՎ ՍՊԻՏԱԿ ՀԱՄԱՅՆՔԻ ՎԱՐՉԱԿԱՆ ՍԱՀՄԱՆՆԵՐՈՒՄ ԳՏՆՎՈՂ՝ ՊԵՏՈՒԹՅԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՀՈՂԱՄԱՍԵՐԻ ԱՃՈՒՐԴԱՅԻՆ ՀԱՆՁՆԱԺՈՂՈՎ:

    Տեղեկացնում ենք, որ արտադպրոցական ուսումնական հաստատությունների մանկավարժական աշխատողների կամավոր ատեստավորման հայտերի ընդունելություն ժամկետը երկարաձգվել է մինչև 2024 թվականի ապրիլի 20-ը` ժամը 18։00-ն։
   2024 թվականից սկսած՝ ՀՀ կառավարության 2023 թվականի մարտի 2-ի «Պետական կամ համայնքային կազմակերպությունների արտադպրոցական ծրագրեր իրականացնող մանկավարժական աշխատողների կամավոր ատեստավորման և Հայաստանի Հանրապետության պետական բյուջեից լրավճարի տրամադրման կարգը սահմանելու մասին» N 269-Ն որոշման հավելվածով սահմանված կարգին համապատասխան՝ ատեստավորմանը կարող են մասնակցել նաև պետական և համայնքային մանկապատանեկան ստեղծագործական և գեղագիտական կենտրոններում, մշակույթի տներում դասավանդող մանկավարժական աշխատողները։
 Ատեստավորմանը մասնակցելու համար մանկավարժական աշխատողները հայտերը ներկայացնում են Կրթության կառավարման տեղեկատվական համակարգի էլեկտրոնային մատյանում՝ https://at.emis.am/ հղմամբ և ստանում հաղորդագրություն՝ հայտն ընդունված լինելու վերաբերյալ:
 Կամավոր ատեստավորման հայտարարության հղումն այստեղ՝ https://escs.am/am/news/21432: Հայտերի լրացման մանրամասների վերաբերյալ հղումն այստեղ՝
• չաշխատող անձի համար - https://support.emis.am/article/910,

• մանկավարժական աշխատողների համար - https://support.emis.am/article/909։
Միաժամանակ հայտնում ենք նաև`
• երաժշտական, արվեստի, գեղարվեստի դպրոցների հետ կապված հարցերի պարզաբանման առնչությամբ անհրաժեշտ է կապ հաստատել ՀՀ ԿԳՄՍՆ ժամանակակից արվեստի վարչության պետի տեղակալ Լիլիա Նիկոյանի հետ (հեռ. 010 599 631),
• մարզադպրոցների հետ կապված հարցերի պարզաբանման առնչությամբ անհրաժեշտ է կապ հաստատել ՀՀ ԿԳՄՍՆ սպորտի քաղաքականության վարչության զանգվածային սպորտի և ֆիզիկական դաստիարակության բաժնի գլխավոր մասնագետ Էլլադա Հարությունյանի հետ (հեռ. 010 599 637),
• մանկապատանեկան ստեղծագործական և գեղագիտական կենտրոնների, մշակույթի տների և կենտրոնների հետ կապված հարցերի պարզաբանման առնչությամբ անհրաժեշտ է կապ հաստատել ՀՀ ԿԳՄՍՆ հանրակրթության վարչության հանրակրթության և արտադպրոցական կրթության քաղաքականության մշակման և վերլուծության բաժնի գլխավոր մասնագետ Արմինե Բարսեղյանի հետ (հեռ. 010 599 619):
 Կից ներկայացվում է նաև 2024 թվականի արտադպրոցական ծրագրեր իրականացնող կենտրոնների, այդ թվում՝ մանկապատանեկան ստեղծագործական և գեղագիտական կենտրոնների, երաժշտական, արվեստի, գեղարվեստի դպրոցների մանկավարժական աշխատողների և մարզադպրոցների մարզիչ-մանկավարժների կամավոր ատեստավորման ուղղությունները։
    Առդիրը կցվում է։

    Տեղեկացնում ենք, որ Մաքսային միության հանձնաժողովի 2011 թվականի դեկտեմբերի 9-ի «Սննդամթերքի անվտանգության մասին» Մաքսային միության տեխնիկական կանոնակարգն ընդունելու մասին» N 880 որոշմամբ հաստատված «Սննդամթերքի անվտանգության մասին» Մաքսային միության տեխնիկական կանոնակարգի (ՄՄ ՏԿ 021/2011) 10-րդ հոդվածի 2-րդ և 3-րդ կետերի համաձայն՝
 2. Սննդամթերքի արտադրության (պատրաստման) գործընթացների իրականացման ժամանակ, այդ արտադրանքի անվտանգության պահանջներից ելնելով, պատրաստողը պետք է մշակի, իրականացնի և պահպանի սույն հոդվածի 3-րդ մասում շարադրված՝ վտանգի վերլուծության և հսկման կրիտիկական կետերի համակարգի (ՎՎՀԿԿ) (անգլերեն տարբերակը՝ НАССР — Hazard Analysis and Critical Control Points) սկզբունքների վրա հիմնված ընթացակարգերը։
 3. Սննդամթերքի անվտանգության ապահովման նպատակով դրա արտադրության (պատրաստման) գործընթացում պետք է մշակվեն, իրականացվեն և պահպանվեն հետևյալ ընթացակարգերը՝
 1) սննդամթերքի անվտանգությունն ապահովելու համար անհրաժեշտ սննդամթերքի արտադրության (պատրաստման) տեխնոլոգիական գործընթացների ընտրություն.
 2) սննդամթերքի արտադրության (պատրաստման) տեխնոլոգիական գործառնությունների հաջորդականության և հոսքայնության ընտրություն՝ պարենային (սննդային) հումքի և սննդամթերքի աղտոտումը բացառելու նպատակով.
 3) տեխնոլոգիական գործառնությունների և սննդամթերքի արտադրության (պատրաստման) փուլերում սննդամթերքի վերահսկելի փուլերի սահմանում արտադրական հսկողության ծրագրերում.
 4) սննդամթերքի արտադրության (պատրաստման) ընթացքում օգտագործվող պարենային (սննդային) հումքի, տեխնոլոգիական միջոցների, փաթեթավորման նյութերի, արտադրատեսակի, ինչպես նաև սննդամթերքի նկատմամբ հսկողության իրականացում՝ անհրաժեշտ հուսալի և համալիր հսկողություն ապահովող միջոցներով.
 5) տեխնոլոգիական սարքավորումների սարքինության նկատմամբ հսկողության իրականացում սույն Տեխնիկական կանոնակարգով և (կամ) Մաքսային միության՝ սննդամթերքի առանձին տեսակների վերաբերյալ տեխնիկական կանոնակարգերով սահմանված պահանջներին համապատասխան սննդամթերքի արտադրության (պատրաստման) գործընթացն ապահովող կարգով.
 6) տեխնոլոգիական գործառնությունների վերահսկելի փուլերի և սննդամթերքի նկատմամբ իրականացված հսկողության արդյունքների մասին տեղեկատվության փաստաթղթավորման ապահովում.
 7) սննդամթերքի պահպանման և փոխադրման (տրանսպորտային փոխադրման) պայմանների պահպանում.
 8) սննդամթերքի արտադրության (պատրաստման) գործընթացում օգտագործվող արտադրական շինությունների, տեխնոլոգիական սարքավորումների և գույքի պահպանում՝ սննդամթերքի աղտոտումը բացառող պայմաններում.
 9) սննդամթերքի անվտանգության ապահովման նպատակով աշխատողների կողմից անձնական հիգիենայի ձևերի ընտրություն և դրանց կանոնների պահպանման ապահովում.
 10) սննդամթերքի անվտանգության ապահովման եղանակների ընտրություն, սննդամթերքի արտադրության (պատրաստման) գործընթացում օգտագործվող արտադրական շինությունների, տեխնոլոգիական սարքավորումների և գույքի մաքրման, լվացման, ախտահանման, միջատազերծման և կրծողների ոչնչացման գործընթացների պարբերականության սահմանում և դրանց իրականացում.
 11) սույն Տեխնիկական կանոնակարգով և Մաքսային միության՝ սննդամթերքի առանձին տեսակների վերաբերյալ տեխնիկական կանոնակարգերով սահմանված պահանջներին արտադրված սննդամթերքի համապատասխանությունը հավաստող փաստաթղթերի վարում ու պահպանում՝ թղթային և (կամ) էլեկտրոնային կրիչներով.
 12) սննդամթերքի հետագծելիություն։

    Տեղեկացնում ենք, որ Երեխա ունեցող ընտանիքների բնակարանային ապահովության պետական աջակցության ծրագրի պայմաններում փոփոխություններ են իրականացվել․ երկարացվել է նաև միջոցառման գործողության ժամկետը՝ սահմանվելով մինչև 2026 թվականը։ Այսպիսով, ծրագիրն այսուհետ կիրականացվի հետևյալ պայմաններով՝ առաջին միջոցառմամբ՝ քաղաքացիներին միանվագ դրամական աջակցություն է տրվում մարզային բնակավայրերում հիփոթեքային վարկով բնակարան ձեռք բերելու կամ անհատական բնակելի տուն կառուցելու նպատակով, երկրորդ միջոցառմամբ՝ տրվում է միանվագ դրամական աջակցություն՝ հիփոթեքային վարկ մարող ընտանիքում երեխա ծնվելու դեպքում։
     Առավել մանրամասն՝ https://www.mlsa.am/news/627
       Առդիր՝ էլեկտրոնային նյութ:

   Տեղեկացնում ենք, որ ԱՆ «Հիվանդությունների վերահսկման և կանխարգելման ազգային կենտրոն» ՊՈԱԿ-ի կողմից բնակչության շրջանում իրազեկման աշխատանքների իրականացման գործընթացի համաձայն իրականացվում են թունաքիմիկատներով թունավորման կանխարգելման ուղղությամբ լայնածավալ իրազեկման աշխատանքներ։    Մանրամասներին կարող եք ծանոթանալ ստորև ներկայացված ֆայլում։
    Առդիր՝ էլեկտրոնային նյութ:

    Տեղեկացնում ենք, որ մեկնարկել է Հայաստանում Միջազգային կրթության ամերիկյան խորհուրդներ (Ամերիկյան խորհուրդներ) կազմակերպության կողմից իրականացվող PFP (Professional Fellows Program) կառավարման և պետական քաղաքականության մշակման գործընթացում ընդգրկված երիտասարդ մասնագետների վերապատրաստման ծրագիրը: Ծրագրին մասնակցելու համար դիմորդները պետք է մինչև 2024թ.-ի ապրիլի 30-ը ներկայացնեն առցանց դիմում՝ https://bit.ly/49XQiFA:
   Մանրամասներին կարող եք ծանոթանալ ստորև ներկայացված ֆայլերում։
     Առդիր՝ 2 ֆայլ:

   Տեղեկացնում ենք, որ «Տոտալ Արտ» ՀՄԿ նախագահ, ՀՀ վաստակավոր նկարիչ Աննա Հարությունյանի և ՀՀ մշակույթի վաստակավոր գործիչ, կոմպոզիտոր Էդգար Գյանջումյանի կողմից 2024թ. հունիս ամսին կկազմակերպվի «Universe Art» միջազգային մրցույթ-փառատոնը։
   Մանրամասներին կարող եք ծանոթանալ ստորև ներկայացված ֆայլում։
      Առդիր՝ էլեկտրոնային նյութ:

    «Շրջակա միջավայրի վրա ազդեցության գնահատման և փորձաքննության մասին» ՀՀ օրենք (2014) հունիսի 21-ի ՀՕ-110-Ն ՀՀ օրենքում փոփոխություններ կատարելու մասին(Փոփոխությունները 2023թ․ մարտի 3) ՕՐԵՆՔԻ և «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014Թ․ ՆՈՅԵՄԲԵՐԻ 19-Ի N 1325-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ» ՀՀ կառավարության 28 դեկտեմբերի 2023թ․ N 2343-Ն որոշման հավելվածի համաձայն, 2024թ․ ապրիլի 23-ին ժամը 15․00-ին Լոռու մարզի Սպիտակ համայնքի Արջհովիտ բնակավայրի վարչական ղեկավարի նստավայրում՝ 4-րդ փողոց, 3 շենք հասցեում, իրականացվելու է հանրային առաջին քննարկում քաղաքացի Ռուբեն Ցոլակի Գրիգորյանի կողմից նախատեսվող Լոռու մարզի Սպիտակ համայնքի Արջհովիտ գյուղի 14-րդ փողոց թիվ 2 հողամասում առողջարարական-ժամանցային համալիրի կառուցման վերաբերյալ։ Այն իր մեջ ներառում է ադմինիստրատիվ մասնաշենք՝ ընդունարանով, պահակակետ, յոթ հարկանի հյուրանոցային մասնաշենք, հյուրատներ, ջրաշխարհային կենտրոն, բացօթյա թենիսի կորտեր, ավտոմեքենաների բացօթյա կայանատեղի, էլեկտրակառերի համար բացօթյա կայանատեղի։ Կառուցապատման ենթակա տարածքի նպատակային նշանակությունը բնակավայրերի է, գործառնական նշանակությունը՝ հասարակական կառուցապատման։ Տարածքի ընդհանուր մակերեսը կազմում է 8,619026 հա։ Հանրային քննարկումը կիրականացնի Սպիտակ համայնքի Արջհովիտ բնակավայրի վարչական ղեկավար Գայանե Մարկոսյանը (էլ․ հասցե gayanemarkosyan@bk.ru): Շահագրգիռ հանրությունը քննարկումներին մասնակցելու համար կարող է գրանցվել նախօրոք՝ վերոգրյալ էլեկտրոնային փոստի միջոցով։ Շահագրգիռ հանրության գրավոր կամ էլեկտրոնային եղանակով ներկայացված առաջարկությունները, դիտողությունները և կարծիքները ներկայացվում են սույն ծանուցումից հետո՝ 20 աշխատանքային օրվա ընթացքում։