Հարգելի համաքաղաքացիներ
Գյուղացիական տնտեսությունների կողմից արտադրված գյուղմթերքի իրացման աջակցության նպատակով ՀՀ գյուղատնտեսության նախարարության, այնուհետև ՀՀ էկոնոմիկայի նախարարության կողմից կազմակերպվել են գյուղատնտեսական մթերքների տոնավաճառներ: Տոնավաճառներին մասնակցել են ՀՀ տարբեր մարզերից գյուղացիական տնտեսություններ, որոնք սպառողներին են ներկայացրել բացառապես սեփական արտադրանքը: Տոնավաճառները սկսվել են հունիս ամսվա կեսերից՝ յուրաքանչյուր շաբաթ և կիրակի օրերին և շարունակվել են մինչև դեկտեմբերի 30-ը:
Գյուղացիական տնտեսությունների մասնակցությունը տոնավաճառներին անվճար է: Տոնավաճառներին միայն սեփական արտադրանքը ներկայացնող գյուղացիական տնտեսություների մասնակցությունն ապահովելու, ինչպես նաև առևտրային միջնորդների մասնակցությունը բացառելու նպատակով սահմանվել է մասնակցության հատուկ ընթացակարգ;
Տոնավաճառներին մասնակցության ցանկություն ունեցող գյուղացիական տնտեսությունների հայտերը հավաքագրվում և յուրաքանչյուր շաբաթվա հինգշաբթի օրը ներկայացվում է գյուղատնտեսական տոնավաճառների համակարգման խորհրդին (Հայկ Բաղդասարյան, հեռ.՝ 094170504, էլ. փոստ՝ hayk.bagdasaryan.8989@mail.ru)։