Սպիտակի համայնքապետարանում Տեղեկատվական համակարգերի զարգացման և վերապատրաստման կենտրոնի (ՏՀԶՎԿ) կողմից վերջերս գործարկվել է Համայնքային կառավարման տեղեկատվական համակարգի (ՀԿՏՀ) նոր տարբերակ, որում ներառվել է նաև մանկապարտեզներ հաճախող երեխաների համար վճարումներն առցանց եղանակով կատարելու գործիքակազմ։ ՀԿՏՀ «Մանկապարտեզների կառավարում» բաժնում գեներացվել են QR կոդեր և տրամադրվել մանկապարտեզներ հաճախող երեխաների ծնողներին։ QR կոդի կիրառմամբ ծնողը կարող է մուտք գործել իր երեխայի էջ և e-paymants պետական վճարումների էլեկտրոնային համակարգի միջոցով կատարել վճարումներ։ Նորամուծությունը համայնքի կողմից մատուցվող ծառայությունը դարձնում է առավել մատչելի, արդյունավետ և դյուրին, իսկ ծնողին հնարավորություն է տալիս ծառայության համար գանձվող վճարը կատարել էլեկտրոնային եղանակով՝ խնայելով ժամանակ և գումար (զերծ մնալ այլ եղանակներով կատարվելիք վճարումների դեպքում գանձվող զգալի միջնորդավճարներից)։ Նորամուծության հետ կապված գործընթացը համայնքում արդյունավետ կազմակերպելու և այն կյանքի կոչելու համար ․ 1) Համայնքապետարանի կողմից համակարգի միջոցով ստացվել են մանկապարտեզներ հաճախող երեխաների ցուցակները QR-կոդերի առկայությամբ։ 2) Ստացված ցուցակները հատկացվել են մանկապարտեզներին՝ QR կոդերը ծնողներին տրամադրելու համար։ 3) Մանկապարտեզների կողմից ծնողներին տրամադրվել են իրենց երեխաների QR կոդերը և նրանց տեղեկացվել է վճարումներն առցանց եղանակով կատարելու մասին։