«Նախադպրոցական կրթության մասին» օրենքում կատարվել են փոփոխություններ։

Համաձայն «Կրթության, գիտության, մշակույթի եվ սպորտի նախարարի 2021 թվականի հոկտեմբերի 11-ի N 76-ն հրամանում փոփոխություններ և լրացումներ կատարելու մասին» 2023 թվականի նոյեմբերի 29-ին ընդունված N 142-Ն պահանջների`

- Համապատասխան տարիքային խմբում երեխայի հերթագրումը իրականացվում է տվյալ օրացուցային տարվա հունվարի 1-ից, եթե տարիքը լրացել կամ լրանում է մինչև տվյալ օրացուցային տարվա դեկտեմբերի 31-ը ներառյալ։

- Երեխայի հերթագրումը հաստատություն իրականացվում է երեխայի ծնողի դիմումի (թղթային կամ էլեկտրոնային) հիման վրա:

- Երեխային հաստատություն հերթագրելու համար դիմումին կից ներկայացվում են՝

1) ծնողի անձը հաստատող փաստաթուղթը.

2) երեխայի անձը հաստատող փաստաթուղթը.

3) սահմանված առաջնահերթություններից օգտվելու իրավունքը հավաստող փաստաթղթեր:

Ընդունելությունը կազմակերպելիս առաջնահերթությունը տրվում է.

1) առաջին կամ երկրորդ խմբի հաշմանդամություն ունեցող կամ ֆունկցիոնալության ծանր կամ խորը աստիճանի սահմանափակումով ծնողի երեխաներին.

2) երեք և ավելի երեխա ունեցող ծնողի երեխաներին.

3) զոհված զինծառայողի երեխային, քրոջը, եղբորը.

4) երկկողմանի ծնողազուրկ երեխաներին.

5) Հայաստանի Հանրապետության զինված ուժերում զինվորական ծառայություն անցնող զինծառայողի երեխաներին.

6) կրթության և զարգացման առանձնահատուկ պայմանների կարիք ունեցող երեխաներին.

7) տվյալ ուսումնական հաստատությունում (կազմակերպությունում) ընդգրկված քույր, եղբայր ունեցող երեխաներին.

8 ) տվյալ ուսումնական հաստատության (կազմակերպության) աշխատակիցների երեխաներին:

Սահմանված առաջնահերթությունների իրավունքից օգտվելու համար 2025-2026 ուսումնական տարվա հերթագրումն իրականացվում է մինչև 2025 թվականի մարտի 1-ը: