Այսօր: Կիրակի, 14 Հուլիսի 2024թ.
Սպիտակի համայնքապետարանի պաշտոնական կայք
Հյուրերի քանակը՝ 53
ՀՀ ԼՈՌՈՒ ՄԱՐԶԻ ՍՊԻՏԱԿ ՀԱՄԱՅՆՔ
ՀԱՅՏԱՐԱՐՈՒԹՅՈՒՆՆԵՐ

ՀԱՐՑՈՒՄ

ՆՈՐՈՒԹՅՈՒՆՆԵՐ
08.07.24 Կայացավ Սպիտակ համայնքի ավագանու արտահերթ նիստ

Այսօր՝ հուլիսի 8-ին, Սպիտակի համայնքապետարանի նիստերի դահլիճում կայացավ Սպիտակ համայնքի ավագանու արտահերթ նիստ: Ներկա էին ավագանու 27 անդամներից 18-ը: Օրակարգում ընդգրկված էր 15 հարց: Նիստը վարում էր համայնքի ղեկավար Քաջայր Նիկողոսյանը: Օրակարգը հաստատելուց հետո սկսվեց նախագծերի քննարկումը: Ներկայացված բոլոր նախագծերն ավագանու կողմից հաստատվեցին։

08.07.24 Սպիտակ համայնքում հասարակական նշանակության շինություն կառուցելու վերաբերյալ հանրային քննարկում
Այսօր՝ հուլիսի 8-ին, Սպիտակի համայնքապետարանի նիստերի դահլիճում տեղի ունեցավ Սպիտակ համայնքում հասարակական նշանակության շինություն կառուցելու վերաբերյալ հանրային լսում։ Նախատեսվում է «ԷՍ ԷՌ ՖՈՒԴ ԿՈՐՏ» ՍՊԸ-ի կողմից Լոռու մարզի Սպիտակ համայնքի Ա․ Մանուկյան փ․ 5/1 հասցեում (գտնվում է նախկին ավտոկայանի տարածքում) կառուցել «ԷՍ ԷՌ» ֆուդ կորտ և սուպերմարկետ։ Այն իրենից ներկայացնում է վերգետնյա երկհարկանի կառույց՝ տեխնիկական հարկով և նկուղով։ Հանրային քննարկումը վարեց Սպիտակի համայնքապետարանի աշխատակազմի քաղաքաշինության, հողաշինության, գյուղատնտեսության, կոմունալ սպասարկման և տրանսպորտի բաժնի պետ Երեմ Գրիգորյանը։ Ներկա էին համայնքապետարանի աշխատակզմի, «ԷՍ ԷՌ ՖՈՒԴ ԿՈՐՏ» ... Մանրամասն
02.07.24 Խորհրդակցություն՝ համայնքի վարչական ղեկավարների հետ
Այսօր՝ հուլիսի 2-ին, Սպիտակի համայնքապետարանի նիստերի դահլիճում տեղի ունեցավ աշխատանքային խորհրդակցություն բնակավայրերի վարչական ղեկավարների հետ։ Խորհրդակցությունը վարում էր համայնքապետարանի աշխատակազմի քարտուղար Ազգանուշ Ֆրանգյանը։ Մասնակցում էին աշխատակազմի զինվորական գծով պատասխանատու Դավիթ Թումանյանը, բնակավայրերի վարչական ղեկավարները։ Օրակարգում պետական և ծառայողական գաղտնի տվյալների և դրանց պատասխանատուների վերաբերյալ (հրապարակման ոչ ենթակա), համայնքի հողային հաշվեկշռի վերաբերյալ, կարգապահական և մի շարք այլ հարցեր էին։ Սպիտակի համայնքապետարանի աշխատակազմի քարտուղար Ազգանուշ Ֆրանգյանը ներկայացրեց տեղական ինքնակառավարման մարմինների կողմից պետական և ծառայողական գաղտնիքի մասին օրենսդրության ... Մանրամասն
01.07.24 Ջրաշեն բնակավայրում մարզասրահ է բացվել
Այսօր՝ հուլիսի 1-ին, Սպիտակ համայնքի Ջրաշեն բնակավայրում տեղի ունեցավ «Ռուդ ջիմ» մարզասրահի բացման հանդիսավոր արարողությունը։ Ներկա էին Սպիտակ համայնքի ղեկավար Քաջայր Նիկողոսյանը, Հայաստանի պաուերլիֆտինգի ֆեդերացիայի նախագահ Գագիկ Սարոյանը, Ջրաշեն բնակավայրի վարչական ղեկավար Արմեն Եղիազարյանը, պաշտոնատար այլ անձինք, բնակիչներ։ Մարզասրահը հանդիսանում է Հայաստանի Պաուերլիֆտինգի ֆեդերացիայի լիիրավ անդամ։ Այն ղեկավարում է պաուերլիֆտինգի աշխարհի և Եվրոպայի չեմպիոն, բազմաթիվ ռեկորդների հեղինակ Ռուդիկ Ավդալյանը, ում ջանքերով էլ մարզասրահը բացվել է։ Ռուդիկ Ավդալյանի անունը տեղ է գտել «Դյուցազնագրքում»։ Նա 2017 թվականից ՀՀ սպորտի վարպետ է։ Հոր հետ միասին մասնակցել է 44-օրյա պատերազմին, ... Մանրամասն
30.06.24 Հայրենիքին ծառայելու մեկնեց սպիտակցի նորակոչիկների առաջին խումբը
Ամառային զորակոչի մեկնարկը տրված է: Հունիսի 30-ին Սպիտակի զինվորական կոմիսարիատից ծառայության ճանապարհեցին սպիտակցի նորակոչիկների առաջին խմբին: Սպիտակ համայնքի ղեկավար Քաջայր Նիկողոսյանը առաջին տեղակալ Արտակ Մաթոսյանի, Զորակոչային և զորահավաքային համալրման ծառայության Լոռու մարզի տարածքային ստորաբաժանման Սպիտակի բաժանմունքի ղեկավար Հրահատ Գևորգյանի և մի խումբ պաշտոնյաների հետ ներկա գտնվեց նորակոչիկների՝ հայոց բանակ ճանապարհելու հանդիսավոր արարողությանը: Նրանց ճանապարհելու էին եկել նաև ծնողները, հարազատները, ընկերները: Հնչեց Հայաստանի Հանրապետության պետական օրհներգը, ապա նորակոչիկներին օրհնության խոսք ասաց Գուգարաց թեմի Վանաձորի Սուրբ Գրիգոր Նարեկացի եկեղեցու հոգևոր սպասավոր տեր Տաճատ քահանա Բարսեղյանը: ... Մանրամասն
27.06.24 Սպիտակ համայնքի ղեկավարը հյուրընկալել է Հայաստանում Ֆրանսիայի արտակարգ և լիազոր դեսպան Օլիվիե Դըկոտինյիին
Սպիտակ համայնքի ղեկավար Քաջայր Նիկողոսյանը հունիսի 27-ին հյուրընկալել է Հայաստանում Ֆրանսիայի արտակարգ և լիազոր դեսպան Օլիվիե Դըկոտինյիին։ Հանդիպմանը ներկա են եղել նաև դեսպանության Քաղաքացիական հասարակության և ապակենտրոնացված համագործակցության հարցերի կցորդ Մարի Լորժուն, Սպիտակ համայնքի ղեկավարի տեղակալ Արտակ Մաթոսյանը, աշխատակազմի քարտուղար Ազգանուշ Ֆրանգյանը և աշխատակազմի պաշտոնատար այլ անձինք։ Համայնքի ղեկավարը նշել է, որ սպիտակցիները երախտագիտությամբ են հիշում, թե ինչպես 1988 թ․ ավերիչ երկրաշարժին բարեկամ Ֆրանսիան եղբայրական ձեռք մեկնեց Սպիտակին։ Քաջայր Նիկողոսյանն ամփոփ ներկայացրել է Սպիտակի արդյունաբերական անցյալը և այսօրվա ծրագրերն ու խնդիրները, համայնքի խոշորացման արդյունքում կատարված ... Մանրամասն
27.06.24 Կայացավ «Սպիտակ համայնքի ղեկավարի գավաթ-2024» ֆուտզալի փոխանցիկ գավաթի մրցաշարի բացման հանդիսավոր արարողությունը

Հունիսի 27-ին Սպիտակի Ալ. Մյասնիկյանի անվան թիվ 1 հիմնական դպրոցի մարզադաշտում տեղի ունեցավ «Սպիտակ համայնքի ղեկավարի գավաթ-2024» ֆուտզալի փոխանցիկ գավաթի մրցաշարի բացման հանդիսավոր արարողությունը: Ներկա էին Սպիտակի համայնքապետարանի աշխատակազմի ներկայացուցիչներ, մարզիկներ և մարզասերներ: Մրցաշարի բացումն ազդարարեց Հայաստանի Հանրապետության հիմնը, ապա պարային կատարումներով հանդես եկան «Սպիտակի մշակույթի տուն» ՀՈԱԿ-ի և «Գանձէ» պարային ստուդիայի սաները: Բացման հանդիսավոր արարողությանը հաջորդեցին մեկնարկային առաջին խաղերը:

21.06.24 Սպիտակ համայնքի ղեկավար Քաջայր Նիկողոսյանի շնորհավորական ուղերձը՝ Բուժաշխատողի օրվա առթիվ
   Հարգելի՛ բուժաշխատողներ,Ի սրտե շնորհավորում եմ բոլորիդ մասնագիտական տոնի՝ Բուժաշխատողի օրվա կապակցությամբ:   Այս տոնը հրաշալի առիթ է խոսելու բուժաշխատողի առաքելության և անձնվեր աշխատանքի մասին, երախտիքի խոսքեր հղելու մեր բժիշկներին, բուժքույրերին, մայրապետներին, առողջապահության կազմակերպչներին և բոլոր նրանց, ովքեր, հավատարիմ Հիպոկրատի երդմանը, գիշեր ու զօր պայքարում են մարդկանց ապաքինման և կյանքի համար։   Առանձնահատուկ շնորհակալության են արժանի ռազմական բժիշկները, ովքեր հոգ են տանում հայ զինվորի և զինվորականի առողջության մասին։Բուժաշխատողի դերն ու նշանակությունը որքան էլ կարևորենք, միևնույն է, անհնար է գերագնահատել:   Սիրելի՛ բժիշկներ, դուք վայելում ... Մանրամասն
1 2 3 4 5 6 7 8 9 10 ...


Բոլորը
Սպիտակ քաղաք
ԻՆՉՊԵՍ ԴԻՄԵԼ ՀԱՄԱՅՆՔԱՊԵՏԱՐԱՆ
ՄԵՐ ԿՈՆՏԱԿՏՆԵՐԸ
ՄԻԱՑԵՔ ՄԵԶ
ՀՂՈՒՄՆԵՐ
ՀՀ, Լոռու մարզ, ք. Սպիտակ, Շահումյան 7
(0255) 22500
spitak.lori@mta.gov.am
Պաշտոնական էլ. փոստ` 10033041@e-citizen.am
(միայն www.e-citizen.am համակարգով ծանուցումների համար)



© 2008 - 2024 Հեղինակային իրավունքները պաշտպանված են
ՍՊԻՏԱԿԻ ՀԱՄԱՅՆՔԱՊԵՏԱՐԱՆ
Մշակող   ՏՀԶՎԿ ՀԿ
Համայնքային կառավարման տեղեկատվական համակարգ 209
ԲԿԳ Մրցանակ 2015 - OGP Award 2015
2015 Regional Winner