Սպիտակ համայնքի հարգելի՛ բնակիչներ,
Սպիտակի համայնքապետարանի Քաղաքացիների սպասարկման գրասենյակում և բնակավայրերի վարչական կենտրոններում տեղադրված են վճարահաշվարկային սարքեր (POS տերմինալներ), որոնք հնարավորություն են տալիս վճարումներ կատարել՝ առանց միջնորդավճարի։
Միաժամանակ կրկին հորդորում ենք կատարել ձեր անշարժ գույքի հարկի, գույքահարկի (մինչև հարկային տարվա դեկտեմբերի 1-ը ներառյալ), վարձավճարների և տեղական վճարների պարտավորությունները, քանի որ hարկի վճարումը սահմանված ժամկետներից ուշացնելու դեպքում, համաձայն ՀՀ Հարկային օրենսգրքի 401-րդ հոդվածի 1-ին կետի ժամկետանց յուրաքանչյուր օրվա համար հարկ վճարողը կամ հարկային գործակալը վճարում է տույժ` 0.075 տոկոսի չափով: Ձեր կողմից ժամկետանց հարկային պարտավորությունները չկատարելու դեպքում այն կգանձվի օրենքով սահմանված կարգով: