Տեղեկացնում ենք, որ «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի և ՀՀ կառավարության 19.11.2014թ. «Հանրային ծանուցման և քննարկումների իրականացման կարգը սահմանելու մասին» N 1325-Ն որոշմամբ սահմանված կարգի համաձայն՝ 2022 թվականի ապրիլի 7-ին, ժամը՝ 16։00-ին ՀՀ Լոռու մարզի Սպիտակ համայնքի Գոգարան բնակավայրի հանդիսությունների սրահում (Սարահարթ, Շենավան, բնակավայրերի բնակիչների մասնակցությամբ) տեղի կունենա հանրային լսում։ 
Օրակարգում՝Կանադական «Ֆրեմոնտ Գոլդ» հանրային ընկերության հետ փոխկապակցված ընկերություն հանդիսացող «Հայասա Ռեսոուրսիս Քորփ» ՍՊԸ-ի նախաձեռնած ՀՀ Լոռու մարզի Հանքակուտակի և հարակից տեղամասերի ոսկի-բազմամետաղային (օգտակար հանածոյի արդյունահանման նպատակով) հանքերևակման 2022-2025 թվականներին երկրաբանական ուսումնասիրություններ իրականացնելու վերաբերյալ հանրային 1-ին քննարկումն է (լսում): 
Միաժամանակ հայտնում ենք, որ «Հայաստանի Հանրապետություն» օրաթերթի 22․03․2022թ․ թիվ 50 (7716) համարում հրապարակած հանրային ծանուցման վերաբերյալ հայտարարությունը՝ տեխնիկական բացթողնման պատճառով համարվում է չեղարկված։ 
Փաստաթղթերին կարելի է ծանոթանալ վերոնշյալ բնակավայրերի վարչական գրասենյակներում, ՀՀ Շրջակա միջավայրի նախարարության պաշտոնական կայքում (www.mnp.am), ինչպես նաև ք․ Երևան Բուզանդի 1/3 հասցեում, հեռ․ 011220218: 
Դիտողություններ և առաջարկություններ կարելի է ներկայացնել՝ Կարգով սահմանված ժամկետներում: