Սպիտակ համայնքի հարգելի՛ բնակիչներ,
Տեղեկացնում ենք, որ ապրիլի 30-ին անցկացվելու է համապետական շաբաթօրյակ:
Շաբաթօրյակի օրը ակնկալվում է ապահովել հանրապետության ողջ տարածքում սանիտարական մաքրության բարձր մակարդակ` աղբից և մոլախոտերից մաքրելով ՀՀ բոլոր համայնքները, միջպետական և միջհամայնքային ճանապարհների եզրերը ու հարակից տարածքները։
Մաքրման աշխատանքներ կիրականացվեն սննդի և այլ ծառայություններ մատուցող ճանապարհամերձ օբյեկտներին հարող տարածքներում, զբոսաշրջային գրավչություն ներկայացնող պատմամշակութային հուշարձանների հարակից տարածքներում, հատուկ պահպանվող տարածքներում, ջրային համակարգերի տարածքներում, կանաչ գոտիներում, պուրակներում, զբոսայգիներում և այլն:
Կոչ ենք անում մեր համայնքի բնակիչներին մաքրել իրենց շենքերի, առանձնատների բակերը, փողոցները և հարակից տարածքները և մաքուր պահել մեր համայնքը, որը մեզնից յուրաքանչյուրի պարտքն է:
Ակնկալում ենք Ձեր ակտիվ մասնակցությունն ու շաբաթօրյակի արդյունավետ իրականացմանն աջակցելու պատրաստակամությունը։
Շաբաթօրյակի հարգելի՛ մասնակիցներ,
Սպիտակի համայնքապետարանը համակարգում է շաբաթօրյակի կազմակերպման աշխատանքները և անհրաժեշտության դեպքում պատրաստ է աջակցել կուտակված աղբի տեղափոխման հարցում:
Հարգանքներով՝
ՍՊԻՏԱԿԻ ՀԱՄԱՅՆՔԱՊԵՏԱՐԱՆ