Հայտ կարող է ներկայացնել Հայաստանի հանրապետության մարզերում և Երևանում բնակվող ցանկացած անհատ քաղաքացի, ստեղծագործական խումբ կամ ուսումնական հաստատություն: Փառատոնին կարող են մասնակցել առանց տարիքային սահմանափակման ոչ պրոֆեսիոնալ անհատ կատարողները և ստեղծագործական խմբերը: Հայտերը ընդունվում են 2024 թվականի փետրվարի 1-ից – մինչև 20-ը.
- Հայտը ուղարկել sedrakgrigoryan72@mail.ru էլեկտրոնային հասցեին.
- Հայտը լրացնել “Sylfaen” տառատեսակով.
- Կցել վճարման կտրոնի պատճեն՝ JPEG կամ PDF ձևաչափով.
- Հնչյունագրով ելույթ ունենալու դեպքում աուդիոնյութերը ուղարկել MP3 ձևաչափով: Մասնակիցը կարող է հայտ ներկայացնել մի քանի անվանակարգում, վճարելով յուրաքանչյուր անվանակարգի համար առանձին, առանց զեղչերի: Հայտերի ընդունման ավարտից 5 (հինգ) աշխատանքային օրվա ընթացքում հայտ ներկայացնող հաստատությունների և անհատների էլեկտրոնային հասցեներին կուղարկվեն անվանակարգերի լսումների և ելույթների ժամանակացույցը: Լսումները տեղի կունենան Արարատի մարզի Վեդի համայնքի երաժշտական դպրոցի և մշակույթի տան համերգային դահլիճներում, շաբաթվա (նախապես նշանակված) ցանկացած օր, ժամը՝ 15:00-ից մինչև 20:00 ժամանակահատվածում, մեկ ընդմիջումով:
Մանրամասն տեղեկությունների համար կարող եք զանգահարել ART SET պրոդյուսերական կենտրոնի տնօրեն, ՍԵԴՖԵՍՏ միջմարզային փառատոնի հիմնադիր նախագահ՝  Սեդրակ Գրիգորյանին 091-51-32-21, 093-76-80-55։