05.06.2024

«Շրջակա միջավայրի վրա ազդեցության գնահատման և փորձաքննության մասին» ՀՀ օրենքով (21.06.2014թ. Հ0-110-Ն), «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014Թ․ ՆՈՅԵՄԲԵՐԻ 19-Ի N 1325-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ» ՀՀ կառավարության 28 դեկտեմբերի 2023թ․ N 2343-Ն որոշման հավելվածի համաձայն, 2024թ. հուլիսի 8-ին, ժամը՝ 11:00-ին, ք․Սպիտակ, Շահումյան 7 հասցեում գտնվող Սպիտակ համայնքապետարանի վարչական շենքում՝ նիստերի դահլիճում, իրականացվելու է հանրային քննարկում «ԷՍ ԷՌ ՖՈՒԴ ԿՈՐՏ» ՍՊԸ-ի կողմից Լոռու մարզի Սպիտակ համայնքի ք․Սպիտակ, Ա․Մանուկյան փ․ 5/1 հասցեում (գտնվում է նախկին ավտոկայանի տարածքում) նախատեսվող «ԷՍ ԷՌ» ֆուդ կորտի և սուպերմարկետի կառուցման վերաբերյալ։ Այն իրենից ներկայացնում է վերգետնյա երկհարկանի կառույց՝ տեխնիկական հարկով և նկուղով։ Հողատարածքի ընդհանուր մակերեսը կազմում է 0,165 հա։ Որպես նախատեսվող շինության շահագործման ոլորտ ընտրված են սուպերմարկետի և արագ սննդի իրացման գործառույթները։ Հանրային քննարկումը կիրականացնի «ԷՍ ԷՌ ՖՈՒԴ ԿՈՐՏ» ՍՊԸ-ի ներկայացուցիչ Ալեքսան Աղաբեկի Սարգսյանը (էլ․ հասցե aliksargsyan1963@mail.ru): Շահագրգիռ հանրությունը քննարկումներին մասնակցելու համար կարող է գրանցվել նախօրոք՝ վերոգրյալ էլեկտրոնային փոստի միջոցով։ Շահագրգիռ հանրության գրավոր կամ էլեկտրոնային եղանակով ներկայացված առաջարկությունները, դիտողությունները և կարծիքները ներկայացվում են սույն ծանուցումից հետո՝ 20 աշխատանքային օրվա ընթացքում։