2023 թվականի սեպտեմբերի 23-ին, ժամը 13:00-ին Արմավիրի մարզի «Փարաքար-Էջմիածին» մայրուղում և «Զվարթնոց պատմամշակութային արգելոց-թանգարան» - Էջմիածին ճանապարհահատվածում անցկացվելու է «Հայաստանի Հանրապետության Վարչապետի գավաթ» խճուղավազքի սիրողական մրցաշարը:
Հայտերը պետք է լրացնել առցանց՝ մինչև 2023 թվականի սեպտեմբերի 20-ը ներառյալ (https://escs.am/am/news/17978):
• Մրցաշարի մեկնարկը՝ 1-ին տարիքային խմբի համար (4 կմ, աղջիկներ և տղաներ), «Զվարթնոց պատմամշակութային արգելոց-թանգարան»-ի հարակից տարածքից: 1-ին տարիքային խումբ՝ 2006-2010 թթ. ծնված դպրոցականներ
• Մրցաշարի մեկնարկը՝ 2-րդ, 3-րդ տարիքային խմբերի համար (10 կմ, կանայք, տղամարդիկ), աթլետիկայով զբաղվող Հայաստանի Հանրապետության և օտարերկրացի քաղաքացիները՝ Փարաքարի համայնքապետարանի մերձակա տարածքից: 2-րդ տարիքային խումբ՝ 18-ից 40 տարեկան կանայք և տղամարդիկ (2005-1983 թթ.),3-րդ տարիքային խումբ՝ 41 և բարձր տարիքի կանայք և տղամարդիկ (1982 թ. ծնված և բարձր),
• աթլետիկայով զբաղվող ՀՀ քաղաքացիները՝ առանց տարիքային սահմանափակման խմբով: Մրցաշարի գործող պրոֆեսիոնալ մարզիկների խմբում կարող են մասնակցել այն մարզիկները, որոնք զբաղվում են աթլետիկա մարզաձևով և վերջին 5 տարիների ընթացքում մասնակցել են աթլետիկայի Հայաստանի առաջնությունների և միջազգային մրցաշարերի: Մասնակիցները պետք է մրցավայր ներկայանան մրցումներից 2 ժամ առաջ` անձը հաստատող փաստաթղթով:
Հարցերի դեպքում զանգահարել հետևյալ հեռախոսահամարներով՝ (010) 59-96-32, (010) 59-96-33, երկուշաբթի-ուրբաթ օրերին, ժամը 9:00-18:00:
Կից ներկայացվում է մրցաշարի կանոնակարգը։