Անվճար արտադպրոցական կրթություն Սպիտակի 12-18 տարեկան պատանիների համար. Սպիտակ համայնքի երկու «Թումո տուփեր»-ում ավելի քան 400 ուսանող արդեն կրթություն է ստանում տեխնոլոգիաների և դիզայնի 14 ոլորտներում: Տեղացի և միջազգային մասնագետների օգնությամբ նրանք մասնագիտական ուղի են հարթում ծրագրավորման, գրաֆիկական դիզայնի, լուսանկարչության, ստեղծագրության, ռոբոտաշինության և մի շարք այլ ոլորտներում: Ինքնուսուցման վարժանքներն ուսանողները կատարում են հենց համայնքներում, իսկ դասընթացների և աշխատարանների համար «Թումո»-ի կողմից տրամադրվող տրանսպորտով մեկնում են Գյումրիի կենտրոն։

«Թումո»-ի անվճար ծրագրին միանալու և արդիական մասնագիտություն ստանալու համար  պետք է գրանցվել այստեղ՝ 

https://register.tumo.org/?fbclid=IwZXh0bgNhZW0CMTAAAR1SJ_E3VDxSWmcDXR4ZY9TihFeOM2nqnCwOOz12XvkQw6G5dZjiLdruOd4_aem_nk0bt1yZC1qzII5mP4tbnQ

Սպիտակի Թումո տուփերի հասցեներ`

●     Այգեստան թաղամաս, 300 հողամաս, ք. Սպիտակ

●     Վարպետաց թաղամաս, 5 հողամաս, ք. Սպիտակ

«Թումո»-ն ստեղծում է կյանքեր վերափոխող ուսումնական փորձառություններ՝ լայն մասշտաբով: Հայաստանում ստեղծված ցանցն արդեն դարձել է միջազգային՝ Երևանում, Դիլիջանում, Գյումրիում, Եղեգնաձորում, Կապանում և Կողբում գործող կենտրոններից բացի Թումոներ կան Փարիզում, Բեռլինում, Լիոնում, Մանհեյմում, Կոիմբրայում, Տիրանայում, Լիսաբոնում, շուտով կբացվի Լոս Անջելեսի կենտրոնը։ Թումոյի շրջանավարտները սովորում են աշխարհի լավագույն համալսարաններում, աշխատում Հայաստանի ամենախոշոր ընկերություններում, ստեղծում ստարտափեր և ստանում մասնագիտական մրցանակներ։