“Կոմիտասյան Հայաստան” մշակութային հասարակական կազմակերպությունը ս/թ սեպտեմբերի 26-ից մինչև հոկտեմբերի 8-ը ներառյալ նախաձեռնել է “Հայաստան` երկիր դրախտավայր”  խորագրով միջոցառում:

 “Հայաստան` երկիր դրախտավայր” միջոցառումն ընդգրկում է.

1.Ըստ մասնակիցների

Միջոցառումը բաց է բոլոր ցանկացողների համար, չի ենթադրում տարիքային և սեռային սահմանափակում:

Միջոցառմանը կարող են մասնակցել, անհատներ, համույթներ, ուսումնական հաստատություններ, դպրոցներ, հայորդաց տներ, կազմակերպություններ…

2 Ըստ բնույթի

Միջոցառումը ներառում է .

2.1 Հանրակրթական դպրոցներում կազմակերպել /ըստ ցանկության/ «Հայաստան` երկիր դրախտավայր» թեմատիկ շարադրություն: Լավագույն աշխատանքները կպարգևատրվեն և կհրապարակվեն հայտնի ասմունքողների, դերասանների կողմից:

2.2.Երգչախմբային փառատոն՝ բազմահազար վոկալիստներով ձևավորված միասնական երգչախմբի* միջոցով Կոմիտասի մշակմամբ «Հայաստան», ինչպես նաև Է.Հովհաննիսյանի և Պ.Սևակի «Էրեբունի-Երևան» երգերի կատարում, ինչը կդառնա միջոցառման գլուխգործոցը: Մինչ միասնական երգչախմբով ելույթ ունենալը, համայնքների երգչախմբերը հանդես կգան ըստ իրենց նախընտրանքի, առանձին կատարումենրով: *Միասնական երգչախմբի ձևավորման Հայտի ձևը կցվում է:

Հայտերի ընդունման ժամկետն է`  մայիսի 10-ը ներառյալ

2.3.Մասսայական համահայկական ֆլեշմոբ, որի ընթացքում միջոցառման խորագրին համապատասխան, ստեղծագործական նոր գործերով կարող է հանդես գալ  յուրաքանչյուր անհատ:  Այս ձևաչափում, յուրաքանչյուր մասնակից հնարավորություն կունենա իր խոսքը ասել որպես մշակույթ կրող և տարածող հասարակությանգործուն անդամ:

Միջոցառման խորագրով ստեղծված լավագույն հինգ ստեղծագործություններ կընտրվեն Հայաստանի կոմպոզիտորների միության  կողմից,  հետագայում կկատարվեն համերգասրահում` համերգային կատարմամբ:

Միջոցառման խորագրով ստեղծված կերպարվեստի լավագույն աշխատանքները կցուցադրվեն Երգչախմբային փառատոնի ժամանակ`  համերգասրահի ճեմասրահում :

Միջոցառման խորագիրով ստեղծված, Հայաստանի գրողների միության  կողմից ընտրված  լավագույն արձակ և չափածո ստեղծագործությունները կտպագրվեն և կհրապարակվեն  “Գրական թերթում” և “Գրեթերթում”:

2.4. Ծառատունկ – Կոմիտասի հետ ասոցացվող «Չինար» ծառի ծառատունկ Հայաստանի գյուղերում և քաղաքներում հետագայում` դրա խնամքի ապահովում: Այս կետով համագործակցություն համայնքապետարանների և գյողապետարանների հետ:

Կապըմեզհետ

«Կոմիտասյան Հայաստան» մշակութային ՀԿ

 Անահիտ Օհանյան

 Նախագահ

Հեռ. բջջ.     091-24-42-67

whatsApp    091-24-42-67

E-mail: texarmtex@gmail.com